Pawan Kalyan: జేపీ నడ్డాతో పవన్‌ కల్యాణ్‌ భేటీ

దిల్లీ: భాజపా జాతీయ అధ్యక్షుడు జేపీ నడ్డాతో జనసేన అధినేత పవన్ కల్యాణ్‌ భేటీ అయ్యారు. దిల్లీ పర్యటనలో ఉన్న పవన్‌ బుధవారం కేంద్రమంత్రులు అమిత్‌షా, మురళీధరన్‌తో సమావేశం కాగా.. నేడు నడ్డాను కలిశారు. వీరిద్దరి భేటీ సుమారు గంటకు పైగా కొనసాగింది.

ఏపీలో తాజా రాజకీయ పరిస్థితులు, భాజపా రాష్ట్ర సారథి మార్పు తర్వాతి పరిణామాలు, ఎన్నికలకు సమాయత్తం తదితర అంశాలపై నడ్డా, పవన్‌ చర్చించినట్లు సమాచారం. రాష్ట్రంలో శాంతి భద్రతల పరిస్థితులను కూడా నడ్డా దృష్టికి పవన్‌ తీసుకెళ్లినట్లు తెలుస్తోంది. పవన్‌ వెంట జనసేన రాజకీయ వ్యవహారాల కమిటీ ఛైర్మన్‌ నాదెండ్ల మనోహర్‌ ఉన్నారు.