Kodandaram: గ్రూపు -2ను వాయిదా వేస్తే నష్టమేమీ లేదు: ప్రొ.కోదండరామ్‌

హైదరాబాద్‌: రాష్ట్రంలో ఈ నెలాఖరున జరగాల్సిన గ్రూప్‌-2 పరీక్షను వాయిదా వేయాలని కోరుతూ నేడు గన్‌ పార్క్ వద్ద మౌనదీక్షకు అఖిలపక్షం పిలుపునిచ్చింది. ఈ నేపథ్యంలో తెలంగాణ జన సమితి (తెజస)(TJS) అధ్యక్షుడు ప్రొఫెసర్‌ కోదండరామ్ (Professor Kodandaram)ను పోలీసులు హౌస్‌ అరెస్టు చేశారు. కోదండరామ్‌ ఇంటి వద్ద భారీగా పోలీసులు మోహరించారు. పలువురు ఓయూ విద్యార్థులను సైతం పోలీసులు ముందస్తు అరెస్టు చేశారు.

Aadhaar: మీ ఆధార్‌ నంబర్‌తో ఎన్ని సిమ్‌కార్డులు ఉన్నాయో తెలుసుకోవడం ఎలా?

ఈ సందర్భంగా కోదండరామ్‌ మాట్లాడుతూ.. గ్రూప్-2 పరీక్షను వెంటనే వాయిదా వేయాలని డిమాండ్‌ చేశారు. అక్రమంగా అరెస్టు చేసిన వారిని వెంటనే విడుదల చేయాలని కోరారు. ప్రభుత్వ తప్పిదాలను నిరుద్యోగుల మీద నెట్టడం సరైంది కాదన్నారు. ‘‘ఒకేసారి 3 రకాల పోటీ పరీక్షలు ఉండటం వల్ల అభ్యర్థులు మనోవేదనకు గురవుతున్నారు. నెల రోజుల పాటు గ్రూపు -2 పరీక్షను వాయిదా వేస్తే నష్టమేమీ లేదు. సమస్యను పరిష్కరించాల్సింది పోయి గొంతు నొక్కే ప్రయత్నం చేస్తున్నారు’’ అని ఆక్షేపించారు.