RS Praveen Kumar: భారాసలో చేరిన ఆర్‌ఎస్‌ ప్రవీణ్‌ కుమార్‌

హైదరాబాద్‌: బీఎస్పీ రాష్ట్ర మాజీ అధ్యక్షుడు, విశ్రాంత ఐపీఎస్‌ అధికారి ఆర్‌ఎస్‌ ప్రవీణ్‌కుమార్‌ భారాసలో చేరారు. ఎర్రవల్లిలో ఏర్పాటు చేసిన కార్యక్రమంలో కేసీఆర్‌ ఆయనకు కండువా కప్పి పార్టీలోకి ఆహ్వానించారు. ప్రవీణ్‌తోపాటు పలువురు నేతలు కూడా భారాసలో చేరారు. ఇటీవల భారాస-బీఎస్పీ పొత్తు పెట్టుకున్న విషయం తెలిసిందే. దీంట్లో భాగంగా నాగర్‌ కర్నూల్‌ నుంచి ప్రవీణ్‌ ఎంపీగా పోటీ చేసేందుకు సిద్ధమయ్యారు. పొత్తును విరమించుకోవాల్సి రావడంతో మనస్తాపానికి గురైన ఆయన.. ఆ పార్టీకి రాజీనామా చేశారు.

భారాసలో చేరేముందు మీడియాతో ప్రవీణ్‌ మాట్లాడారు. ప్రత్యేక పరిస్థితుల్లో గులాబీ పార్టీలోకి మారాల్సి వస్తోందని తెలిపారు. ‘‘ సీఎం రేవంత్‌రెడ్డి అక్కసుతో మాట్లాడుతున్నారు. ప్యాకేజీ తీసుకునే వాడినైతే అధికార పార్టీలో చేరేవాడిని. గేట్లు తెరిస్తే వచ్చే గొర్రెల మందలో ప్రవీణ్‌ ఉండరు’’అని చెప్పారు.