Talasani Srinivas: చంద్రబాబు అరెస్టు చాలా బాధాకరం: మంత్రి తలసాని

హైదరాబాద్‌: మాజీ ముఖ్యమంత్రి, తెదేపా అధినేత చంద్రబాబు అరెస్టు చాలా బాధాకరమని తెలంగాణ మంత్రి తలసాని శ్రీనివాస్‌ యాదవ్‌ పేర్కొన్నారు. ఈ మేరకు ఆయన ట్వీట్‌ చేశారు. ‘‘ఉమ్మడి ఆంధ్రప్రదేశ్‌లో చంద్రబాబు నాయకత్వంలో మంత్రిగా పని చేశా. ఆయన అరెస్టు వ్యక్తిగతంగా నాకెంతో బాధను కలిగించింది. ఎవరికీ అధికారం శాశ్వతం కాదు. ఒకప్పుడు దేశ రాజకీయాల్లో కీలకపాత్ర పోషించిన సీనియర్ నాయకుడు చంద్రబాబు పట్ల వైకాపా ప్రభుత్వం అనుసరిస్తున్న తీరు విచారకరం. 73 ఏళ్లు ఉన్న చంద్రబాబును అరెస్టు చేయడం, విచారణ పేరుతో ఇబ్బందులకు గురి చేయడం సరికాదు. ఉమ్మడి రాష్ట్రంలో ముఖ్యమంత్రిగా ఆయన రాష్ట్రాభివృద్ధి కోసం ఎంతో కృషి చేశారు’’ అని మంత్రి తలసాని తెలిపారు.