భూ హక్కు చట్టంతో రైతులకు తీవ్ర నష్టం

సీపీఎం రాష్ట్ర కార్యదర్శి వి.శ్రీనివాసరావు

విజయవాడ(అలంకార్‌కూడలి), న్యూస్‌టుడే: భూ హక్కు చట్టం అమలుతో రైతులు, గిరిజనులు తీవ్రంగా నష్టపోతారని సీపీఎం రాష్ట్ర కార్యదర్శి వి.శ్రీనివాసరావు అన్నారు. విజయవాడలో ఆదివారం ఆయన విలేకరులతో మాట్లాడారు. దీని ప్రకారం ప్రతి యజమాని భూమి తనదే అని ప్రాథమిక కమిటీకి దరఖాస్తు చేసుకోవాలని, రెండేళ్ల తర్వాత శాశ్వత పట్టా ఇస్తారని తెలిపారు. ఈలోగా వివాదం ఏర్పడితే.. చిన్న యజమానులు భూములు కోల్పోయే ప్రమాదం ఉందన్నారు. భూములన్నీ ఒకరిద్దరి చేతుల్లోకి వెళ్లిపోతాయని ఆరోపించారు. గిరిజన ప్రాంతాల్లోని భూములను గిరిజనేతరులు తప్పుడు రికార్డులు సృష్టించి అనుభవిస్తున్నారని, ఇప్పుడు వాటికి చట్టబద్ధత వస్తుందన్నారు.