raghuramakrishnaraju: కేసుల నుంచి జగన్‌ కడిగిన ముత్యంలా బయటకు రావాలి: రఘురామ

దిల్లీ: ఏపీ సీఎం జగన్‌ సీబీఐ, ఈడీ కేసుల నుంచి కడిగిన ముత్యంలా బయటకు రావాలని కోరుకుంటున్నట్టు నరసాపరం ఎంపీ రఘురామకృష్ణరాజు అన్నారు. మంగళవారం దిల్లీలో ఆయన మీడియాతో మాట్లాడుతూ...‘‘ఏడాదిన్నరగా కోర్టుల నుంచి స్టేలు తెచ్చుకుంటున్నారు. వాయిదా వేసేందుకు న్యాయమూర్తికి విచక్షణాధికారం ఉంటుంది. ముఖ్యమంత్రి అతి త్వరగా కడిగిన ముత్యంలా కేసుల నుంచి బయటకు రావాలనేది నా కోరిక. బెయిల్‌ రద్దు పిటిషన్‌ను సీబీఐ కోర్టు కొట్టి వేస్తుందని, ఈనెలఖారులో సీఎం విదేశాలకు వెళ్తారని నిన్న సోషల్‌ మీడియాలో విస్తృతంగా ప్రచారం జరిగింది. కోర్టు తీర్పు ఎలా ఉంటుందో వేచి చూద్దాం’’ అని రఘురామకృష్ణ రాజు వ్యాఖ్యానించారు.