YSRCP: చిలకలూరిపేట పంచాయితీ.. మల్లెల రాజేశ్‌కు సీఎంవో నుంచి పిలుపు

అమరావతి: పల్నాడు జిల్లా చిలకలూరిపేట వైకాపా (YSRCP) పంచాయితీ తాడేపల్లికి చేరింది. అక్కడి వైకాపా నేత మల్లెల రాజేశ్‌ నాయుడుకు సీఎంవో నుంచి పిలుపు వచ్చింది. ఇటీవల పార్టీ ఆయనను ఇన్‌ఛార్జి పదవి నుంచి తొలగించింది. ఆ తర్వాత మంత్రి విడదల రజినీపై రాజేశ్‌ తీవ్ర ఆరోపణలు చేశారు. ఎమ్మెల్యే టికెట్‌ కోసం ఆమె రూ.6.5కోట్లు తీసుకున్నారని ఆరోపించారు. ఈ విషయాన్ని ప్రభుత్వ సలహాదారు సజ్జల రామకృష్ణారెడ్డికి చెబితే రూ.3కోట్లు మాత్రమే వెనక్కి ఇప్పించారని చెప్పారు. డబ్బు వసూలు వ్యవహారంపై సీఎంకు రాజేశ్‌ ఫిర్యాదు చేశారు. బయటివారికి టికెట్‌ ఇస్తే ఊరుకునేది లేదంటూ అధిష్ఠానంపై ఆగ్రహం వ్యక్తం చేశారు. ఆ తర్వాత చిలకలూరిపేట అభ్యర్థిగా కావటి మనోహర్‌నాయుడును వైకాపా ప్రకటించింది. ఈ పరిణామాల నేపథ్యంలో రాజేశ్‌ను సీఎం జగన్‌ పిలిపించి మాట్లాడారు.