Ajinkya Rahane: అజింక్య రహానెకు తండ్రిగా మళ్లీ ప్రమోషన్‌

దిల్లీ: భారత క్రికెటర్‌ అజింక్య రహానె(Ajinkya Rahane)కు తండ్రిగా రెండోసారి ప్రమోషన్‌ లభించింది. అతడి భార్య రాధిక పండంటి మగబిడ్డకు జన్మనిచ్చారు. ఈ విషయాన్ని రహానె స్వయంగా తన ట్విటర్‌ వేదికగా ప్రకటించారు. ‘‘ఈ ఉదయం రాధిక, నేను మా ప్రపంచంలోకి మగబిడ్డను ఆహ్వానించాం. రాధిక, బాబు ఇద్దరూ సంపూర్ణ ఆరోగ్యంతో ఉన్నారు. మీ ప్రేమ, ఆశీర్వాదాలకు కృతజ్ఞతలు తెలుపుతున్నా’’ అని పేర్కొంటూ ఈ శుభవార్తను తన అభిమానులతో షేర్‌ చేసుకున్నారు. ఇప్పటికే రహానె-రాధిక దంపతులకు మూడేళ్ల పాప ఉన్న విషయం తెలిసిందే. 2019 అక్టోబర్‌లో పుట్టిన ఆ చిన్నారి పేరు ఆర్య. ఈ శుభవార్త పంచుకున్న రహానెకు తోటి క్రికెటర్లతో పాటు అభిమానులు సామాజిక మాధ్యమాల వేదికగా శుభాకాంక్షలు చెబుతున్నారు. ప్రస్తుతం రహానె దులీప్‌ ట్రోఫీలో వెస్ట్‌జోన్‌కు ప్రాతినిధ్యం వహిస్తున్నాడు.