BCCI: అందుకే చెట్టు బొమ్మలు.. సర్వత్రా హర్షం

చెన్నై, గుజరాత్‌ మ్యాచ్‌ మొదలు.. ఏ బౌలరైనా డాట్‌ బాల్‌ వేయగానే స్కోరుకార్డుపై ఆ స్థానంలో చెట్టు బొమ్మ కనిపించింది. డాట్‌ బాల్‌ను సూచించే నల్లటి చుక్క స్థానంలో చెట్టు బొమ్మ వస్తూ వెళ్లింది. అయితే దీని వెనుక ఓ బృహత్తర కార్యం ఉంది. ఈ సీజన్‌ ప్లేఆఫ్స్‌లో పడే ప్రతి డాట్‌ బాల్‌కు 500 చెట్ల చొప్పున పెంచాలని బీసీసీఐ నిర్ణయం తీసుకున్నట్లు సమాచారం. పర్యావరణ రక్షణ కోసం తమ వంతుగా బీసీసీఐ ఈ గొప్ప కార్యక్రమానికి శ్రీకారం చుట్టిందని తెలిసింది. ఈ విషయాన్ని మ్యాచ్‌కు వ్యాఖ్యానం చేస్తూ సైమన్‌ డౌల్‌ పంచుకున్నాడు. దీనిపై సర్వత్రా హర్షం వ్యక్తమవుతోంది.