Team India: టీమ్ఇండియా దక్షిణాఫ్రికా పర్యటన.. ఫిట్నెస్ నిరూపించుకుంటేనే హార్దిక్కు చోటు.!
గత కొన్ని నెలలుగా వెన్నునొప్పితో బాధపడుతున్న టీమ్ఇండియా ఆల్రౌండర్ హార్దిక్ పాండ్య.. ఫిట్నెస్ నిరూపించుకుంటేనే దక్షిణాఫ్రికా పర్యటనలో అతడికి చోటు కల్పించనున్నట్లు బీసీసీఐ వర్గాలు..
ఇంటర్నెట్ డెస్క్: గత కొన్ని నెలలుగా వెన్నునొప్పితో బాధపడుతున్న టీమ్ఇండియా ఆల్రౌండర్ హార్దిక్ పాండ్య.. ఫిట్నెస్ నిరూపించుకుంటేనే దక్షిణాఫ్రికా పర్యటనలో అతడికి చోటు కల్పించనున్నట్లు బీసీసీఐ వర్గాలు తెలిపాయి. ఈ నేపథ్యంలో నేషనల్ క్రికెట్ అకాడమీ (ఎన్సీఏ)లో ఫిట్నెస్ నిరూపించుకునే దానిపైనే హార్దిక్ ఎంపిక ఆధారపడి ఉందని బీసీసీఐ అధికారులు పేర్కొన్నారు. ఇటీవల ముగిసిన టీ20 ప్రపంచకప్లో హార్దిక్కు చోటు దక్కినా.. ప్రభావం చూపలేకపోయాడు. దీంతో న్యూజిలాండ్తో జరిగిన టీ20 సిరీస్లో కూడా చోటు కోల్పోయిన విషయం తెలిసిందే.
‘హార్దిక్ కోలుకునేందుకు తగినంత విశ్రాంతి అవసరం. దక్షిణాఫ్రికా సిరీస్కు ఇంకా చాలా సమయం ఉంది. ఆలోపు అతడు కోలుకుని.. ఫిట్నెస్ నిరూపించుకుంటే దక్షిణాఫ్రికా పర్యటనకు ఎంపిక చేస్తాం. అతడు త్వరలో ప్రారంభం కానున్న విజయ్ హజారే ట్రోఫీలో ఆడనున్నాడు. ఆ ట్రోఫీలో ఆడటం కన్నా.. అతడు ఫిట్గా ఉండటం మాకు చాలా ముఖ్యం. అయినా ఆడాలనుకుంటే అది అతడిష్టం’ అని బీసీసీఐ వర్గాలు తెలిపాయి. 3 టెస్టులు, 3 వన్డేలు, నాలుగు టీ20 మ్యాచుల నిమిత్తం.. టీమ్ఇండియా డిసెంబర్ 17 నుంచి దక్షిణాఫ్రికాలో పర్యటించనుంది.
టీమ్ఇండియా గత కొద్ది రోజులుగా ఫాస్ట్ బౌలింగ్ చేయగలిగే నాణ్యమైన ఆల్ రౌండర్ కోసం వెతుకుతున్న విషయం తెలిసిందే. జట్టులో మెరుగైన ఆల్రౌండర్ లేకపోవడం పలుమార్లు జట్టు ప్రదర్శనపై ప్రభావం చూపుతోంది. ఈ నేపథ్యంలో టీమ్ఇండియా భవిష్యత్తు అవసరాల దృష్ట్యా యువ ఆల్ రౌండర్ వెంకటేశ్ అయ్యర్ని జట్టు యాజమాన్యం ప్రొత్సహిస్తోంది. ఇటీవల న్యూజిలాండ్తో జరిగిన టీ20 సిరీస్లో అయ్యర్కి ఓ అవకాశం ఇచ్చిన విషయం తెలిసిందే.
► Read latest Sports News and Telugu News
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
బెంగళూరు గెలిచిందోచ్..
విధ్వంసక బ్యాటింగ్తో ప్రత్యర్థులను హడలెత్తిస్తున్న సన్రైజర్స్ హైదరాబాద్తో వరుస ఓటములతో సతమతమవుతున్న రాయల్ ఛాలెంజర్స్ బెంగళూరుతో మ్యాచ్ అంటే ఫేవరెట్ ఎవరో చెప్పాల్సిన పని లేదు. -
చదరంగ యువరాజుకు ఘన స్వాగతం
సమయం తెల్లవారుజామున 3 గంటలు. చెన్నై అంతర్జాతీయ విమానాశ్రయం. సాధారణంగా రాత్రి వేళ ప్రయాణికులతో మాత్రమే కాస్త సందడిగా ఉండే ఆ విమానాశ్రయంలో గురువారం మాత్రం ఎంతో హడావుడి నెలకొంది. -
దిల్లీ జట్టులోకి గుల్బాదిన్
గాయంతో ఐపీఎల్ 17వ సీజన్ నుంచి అర్ధంతరంగా తప్పుకొన్న మిచెల్ మార్ష్ స్థానాన్ని అఫ్గానిస్థాన్ పేస్ ఆల్రౌండర్ గుల్బాదిన్ నయీబ్తో దిల్లీ క్యాపిటల్స్ భర్తీ చేసింది. -
ఫైనల్లో ధీరజ్ బృందం
ఆర్చరీ ప్రపంచకప్ స్టేజ్-1 టోర్నీలో భారత పురుషుల రికర్వ్ జట్టు సత్తా చాటింది. -
ఆ నిబంధనతో ప్రమాదమే
ఇంపాక్ట్ ప్లేయర్ నిబంధన వల్ల ఆల్రౌండర్ పాత్ర ప్రమాదంలో పడుతోందని స్పిన్నర్ అక్షర్ పటేల్ అన్నాడు. -
ట్రయల్స్లో అర్జున్ రికార్డు స్కోరు
ఒలింపిక్ షూటింగ్ ట్రయల్స్ 10మీ ఎయిర్ రైఫిల్లో అర్జున్ బబూత ప్రపంచ రికార్డు స్కోరు (254) సాధించాడు. -
భారత అథ్లెట్ల జోరు
ఆసియా అండర్-20 అథ్లెటిక్స్ ఛాంపియన్షిప్స్లో భారత అథ్లెట్ల జోరు కొనసాగుతోంది.