Team India: టీమ్ఇండియా మెంటల్ కండిషనింగ్ కోచ్గా ప్యాడీ అప్టన్!
రాబోయే టీ20 ప్రపంచకప్ టోర్నీకి ముందు టీమ్ఇండియా యాజమాన్యం మంచి నిర్ణయం తీసుకుంది. ఆటగాళ్లను మానసికంగా దృఢంగా...
ఇంటర్నెట్డెస్క్: రాబోయే టీ20 ప్రపంచకప్ టోర్నీకి ముందు టీమ్ఇండియా యాజమాన్యం ఓ కీలక నిర్ణయం తీసుకున్నట్టు సమాచారం. ఆటగాళ్లను మానసికంగా దృఢంగా సంసిద్ధం చేసేందుకు 2011 నాటి మెంటల్ కండిషనింగ్ కోచ్ ప్యాడీ అప్టన్ను తిరిగి నియమించుకోవాలని చూస్తోంది. ఇప్పటికే అతడు వెస్టిండీస్ పర్యటనలో ఉన్న భారత జట్టుతో కలిసిఉన్నట్టు పలు కథనాలు పేర్కొంటున్నాయి. అదే నిజమైతే ఈ ఏడాది టీ20 ప్రపంచకప్ పూర్తయ్యే వరకు అప్టన్ టీమ్ఇండియాకు సేవలు అందించే అవకాశం ఉంటుంది.
ప్రస్తుతం ఉన్న బిజీ షెడ్యూల్ కారణంగా ఆటగాళ్లకు ఉపయోగపడతాడని భావించి హెడ్ కోచ్ రాహుల్ ద్రవిడ్.. అప్టన్ను టీమ్ఇండియా మెంటల్ కండిషనింగ్ కోచ్గా నియమించాలని అనుకున్నట్లు తెలుస్తోంది. అందుకు కెప్టెన్ రోహిత్ శర్మ సైతం ఓకే చెప్పడంతో జట్టు యాజమాన్యం ఆమేరకు నిర్ణయం తీసుకుందని సమాచారం. ఈ నేపథ్యంలోనే అతడు తిరిగి భారత జట్టులో సహాయక సిబ్బందిగా కొనసాగే వీలుంది. కాగా, 2008 నుంచి 2011 వరకు టీమ్ఇండియాకు కోచ్గా పనిచేసిన గ్యారీ కిర్స్టెన్ సహాయక బృందంలో అప్టన్ కూడా ఉన్నాడు. అప్పుడు కూడా అతడు ఆటగాళ్లకు మెంటల్ కండిషనింగ్ కోచ్గా పనిచేశాడు. ఈ క్రమంలోనే ధోనీ సారథ్యంలోని టీమ్ఇండియా అప్పుడు రెండోసారి వన్డే ప్రపంచకప్ గెలిచింది.
ఆ ప్రపంచకప్ తర్వాత అతడి గడువు ముగియడంతో తిరిగి దక్షిణాఫ్రికా జట్టులో చేరాడు. అనంతరం వివిధ లీగ్లు, ఇతర జట్లకు తన సేవలు అందించాడు. ఇక భారత టీ20 లీగ్లోనూ ద్రవిడ్ రాజస్థాన్ జట్టుకు కోచ్గా ఉన్నప్పుడు అప్టన్ను నియమించుకున్నాడు. దీంతో వారిద్దరి మధ్య మంచి స్నేహం ఏర్పడింది. ఈ క్రమంలోనే ద్రవిడ్ మళ్లీ అతడిని టీమ్ఇండియా జట్టుకు తీసుకురావాలనుకున్నట్లు తెలుస్తోంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
బెంగళూరు గెలిచిందోచ్..
విధ్వంసక బ్యాటింగ్తో ప్రత్యర్థులను హడలెత్తిస్తున్న సన్రైజర్స్ హైదరాబాద్తో వరుస ఓటములతో సతమతమవుతున్న రాయల్ ఛాలెంజర్స్ బెంగళూరుతో మ్యాచ్ అంటే ఫేవరెట్ ఎవరో చెప్పాల్సిన పని లేదు. -
చదరంగ యువరాజుకు ఘన స్వాగతం
సమయం తెల్లవారుజామున 3 గంటలు. చెన్నై అంతర్జాతీయ విమానాశ్రయం. సాధారణంగా రాత్రి వేళ ప్రయాణికులతో మాత్రమే కాస్త సందడిగా ఉండే ఆ విమానాశ్రయంలో గురువారం మాత్రం ఎంతో హడావుడి నెలకొంది. -
దిల్లీ జట్టులోకి గుల్బాదిన్
గాయంతో ఐపీఎల్ 17వ సీజన్ నుంచి అర్ధంతరంగా తప్పుకొన్న మిచెల్ మార్ష్ స్థానాన్ని అఫ్గానిస్థాన్ పేస్ ఆల్రౌండర్ గుల్బాదిన్ నయీబ్తో దిల్లీ క్యాపిటల్స్ భర్తీ చేసింది. -
ఫైనల్లో ధీరజ్ బృందం
ఆర్చరీ ప్రపంచకప్ స్టేజ్-1 టోర్నీలో భారత పురుషుల రికర్వ్ జట్టు సత్తా చాటింది. -
ఆ నిబంధనతో ప్రమాదమే
ఇంపాక్ట్ ప్లేయర్ నిబంధన వల్ల ఆల్రౌండర్ పాత్ర ప్రమాదంలో పడుతోందని స్పిన్నర్ అక్షర్ పటేల్ అన్నాడు. -
ట్రయల్స్లో అర్జున్ రికార్డు స్కోరు
ఒలింపిక్ షూటింగ్ ట్రయల్స్ 10మీ ఎయిర్ రైఫిల్లో అర్జున్ బబూత ప్రపంచ రికార్డు స్కోరు (254) సాధించాడు. -
భారత అథ్లెట్ల జోరు
ఆసియా అండర్-20 అథ్లెటిక్స్ ఛాంపియన్షిప్స్లో భారత అథ్లెట్ల జోరు కొనసాగుతోంది.