Bangalore vs Gujarat: హడలెత్తించిన బెంగళూరు బౌలర్లు.. టార్గెట్‌ 108

బెంగళూరు: మహిళల ప్రీమియర్‌ లీగ్‌ (WPL 2024)లో గుజరాత్ జెయింట్స్‌తో మ్యాచ్‌లో రాయల్ ఛాలెంజర్స్ బెంగళూరు బౌలర్లు రాణించారు. టాస్‌ ఓడి బ్యాటింగ్‌కు దిగిన ప్రత్యర్థి బ్యాటర్లను కట్టుదిట్టంగా బంతులు వేసి హడలెత్తించారు. దయాలన్ హేమలత (31*), హర్లీన్‌ డియోల్ (22) ఫర్వాలేదనిపించడంతో.. గుజరాత్‌ 7 వికెట్ల నష్టానికి 107 పరుగులైనా చేసింది. వారిద్దరూ ఆడకుంటే ఇంకా తక్కువ స్కోర్‌కే GGT పరిమితమయ్యేది. ఆ తర్వాత స్నేహ్ రాణా 12 పరుగులు చేయగా.. మిగిలిన వారెవరూ 10 పరుగుల కంటే ఎక్కువ చేయలేదు. బెంగళూరు బౌలర్లలో సోఫీ మోలినెక్స్ 3, రేణుకా ఠాకూర్‌సింగ్‌ 2, జార్జియా వారెహమ్‌ ఒక వికెట్‌ తీసింది. మరి 108 లక్ష్యచేధనలో స్మృతి మంధాన సేన ఎలా ఆడుతుందో చూడాలి.