స్వచ్ఛ విమానం!
విమానాలు ఎలా నడుస్తాయి? పెట్రోల్తో. అదీ మరింత శుద్ధమైన ప్రత్యేక పెట్రోల్తో. దీన్ని విమాన ఇంధనమనీ అంటారు. మరి వంట నూనెతో ఆకాశంలోకి ఎగిరితే? బ్రిటన్ రాయల్ ఎయిర్ఫోర్స్ (ఆర్ఏఎఫ్) ఇలాంటి ఘనతే సాధించింది.
విమానాలు ఎలా నడుస్తాయి? పెట్రోల్తో. అదీ మరింత శుద్ధమైన ప్రత్యేక పెట్రోల్తో. దీన్ని విమాన ఇంధనమనీ అంటారు. మరి వంట నూనెతో ఆకాశంలోకి ఎగిరితే? బ్రిటన్ రాయల్ ఎయిర్ఫోర్స్ (ఆర్ఏఎఫ్) ఇలాంటి ఘనతే సాధించింది. సైనిక రవాణా విమానాన్ని నూరుశాతం సుస్థిర విమాన ఇంధనం (ఎస్ఏఎఫ్) సాయంతోనే నడిపించి కొత్త చరిత్ర సృష్టించింది. ఇలా ప్రయాణించిన విమానాల్లో ప్రపంచంలో ఇదే మొట్టమొదటిది! సైనిక, పౌర విమాన సేవలకు ఎస్ఏఎఫ్ను వాడుకోవటానికిది మార్గం సుగమం చేసింది. సరికొత్త చర్చకు దారితీసింది.
విమాన ఇంధనంలో చాలా శక్తి ఉంటుంది. దీని మూలంగానే విమాన ప్రయాణాలు సాధ్యమవుతున్నాయి. చాలా త్వరగా, దూర ప్రాంతాలకు ప్రయాణాలు సాగించటానికి దీనికి మించిన సాధనం మరోటి లేదు. దీంతో చిక్కేంటంటే- కర్బన ఉద్గారాలు వెలువడటం. ఒక కిలో ఇంధనంతో 3.16 కిలోల కార్బన్ డయాక్సైడ్ వాతావరణంలో కలుస్తుంది. అందుకే విమాన ఇంధనానికి ప్రత్యామ్నాయ మార్గాన్ని అన్వేషించటం అనివార్యమైంది. ఈ క్రమంలోనే సుస్థిర విమాన ఇంధనం.. సస్టెయినబుల్ ఏవియేషన్ ఫ్యూయెల్ (ఎస్ఏఎఫ్) ఆలోచన పుట్టుకొచ్చింది. ఎన్నో పెట్రోలు కంపెనీలు దీన్ని తయారు చేయటంపై దృష్టి సారించాయి. 2050 కల్లా కర్బన ఉద్గారాలను పూర్తిగా తగ్గించటం దీని ఉద్దేశం.
సుస్థిర విమాన ఇంధనమంటే?
పెట్రోలు, డీజిల్ వంటివన్నీ శిలాజ ఇంధనాలు. వీటిని భూగర్భంలోంచి తవ్వి తీస్తారు. సుస్థిర విమాన ఇంధనం అలాంటిది కాదు. బయో ఇంధనం. వాడగా మిగిలిన వంటనూనెలు, ఆహార వ్యర్థాల వంటివాటితో తయారు చేస్తారు. ఇది శిలాజ విమాన ఇంధనం కన్నా తక్కువ కార్బన్ను విడుదల చేస్తుంది. విమాన ఇంధనంతో పోలిస్తే కర్బన ఉద్గారాల చట్రాన్ని సుమారు 80% వరకు తగ్గిస్తుంది. అదెలాగో ఉదాహరణతో చూద్దాం. మొక్కలు పెరుగుతున్నప్పుడు గాల్లోంచి కార్బన్ డయాక్సైడ్ను గ్రహిస్తాయి కదా. ఆహార, అటవీ వ్యర్థాలన్నీ మొక్కలు, చెట్ల నుంచి వచ్చినవే. వీటి నుంచి తయారైన ఇంధనాన్ని విమానాల్లో వాడుకుంటున్నప్పుడు కార్బన్ డయాక్సైడ్ తిరిగి వాతావరణంలోకి విడుదలవుతుంది. ఒకవైపు తగ్గటం, మరోవైపు పెరగటం.. దాదాపు రెండూ సమానంగానే ఉంటాయి. మరి తేడా ఏంటి? వ్యర్థాల నుంచి ఇంధనాన్ని తయారుచేయటం వల్ల వాతావరణంలో కార్బన్ డయాక్సైడ్, మిథేన్ కలవటం తగ్గుతుంది. విలువైన వనరులను తిరిగి వినియోగించుకోవటానికి వీలవుతుంది. ఇదే స్వచ్ఛ ఇంధనమనే పేరు తెచ్చిపెడుతోంది. భవిష్యత్ బయో ఇంధనం, అధునాతన ఇంధనమనీ పిలుచుకుంటున్నారు.
వేటి నుంచి తయారుచేస్తారు?
సుస్థిర విమాన ఇంధనాన్ని రకరకాల పదార్థాలు, వ్యర్థాలతో తయారుచేస్తారు.
* గృహ, కార్యాలయ వ్యర్థాలు: ఆహార వ్యర్థాలు.. పాత దుస్తులు, పత్రికలు, బాటిళ్లు,.. పారేసిన బాటిళ్లు, ఫర్నిచర్.. ఇలాంటివన్నీ ఇంధన తయారీకి ఉపయోగపడేవే.
* సెల్యులోజ్ వ్యర్థాలు: వాడగా మిగిలిన కలప, వ్యవసాయ, అటవీ ఉత్పత్తులు.
* వాడిన నూనెలు: వేపుళ్ల వంటివి వండిన తర్వాత మిగిలి పోయిన నూనెలు, కొవ్వు పదార్థాలూ ఉపయోగపడతాయి.
* క్యామెలీనా: ఇదొక పంట. ఇందులో నూనె శాతం ఎక్కువగా ఉంటుంది. దీన్ని సాధారణంగా గోధుమ, ఇతర తృణధాన్యాలతో కలిపి పండిస్తుంటారు.
* జట్రోపా: దీని విత్తనాల్లో తినటానికి ఉపయోగపడని కొవ్వు నూనె ఉంటుంది. దీన్నుంచి ఇంధనాన్ని తయారుచేయొచ్చు.
* నాచు (ఆల్గే): కలుషిత నీరు, ఉప్పు నీరు, ఎడారులు, నివాస యోగ్యం కాని ప్రాంతాల్లో దీన్ని పెంచొచ్చు. ఇది కార్బన్ డయాక్సైడ్ను ఆహారంగా తీసుకుంటుంది. విద్యుదుత్పత్తి కేంద్రాల వంటి చోట్ల వాతావరణంలోంచి కార్బన్ డయాక్సైడ్ను గ్రహించటానికి దీన్ని వాడుకోవచ్చు. ఇప్పుడు ఆల్గేను సుస్థిర ఇంధన తయారీకి వాడుకోవటం మీదా దృష్టి సారించారు.
సురక్షితమేనా?
రసాయనిక, భౌతిక గుణాల పరంగా సుస్థిర, సంప్రదాయ విమాన ఇంధనాలు దాదాపు ఒకేలా ఉంటాయి. అంటే వీటిని కలిపినా నష్టమేమీ ఉండదన్న మాట. చక్కగా వాడుకోవచ్చు. ప్రస్తుతం వినియోగిస్తున్న విమానాలను సాంకేతికంగా మార్చకుండానే ఈ ఇంధనాన్ని ఉపయోగించుకోవచ్చు. సుస్థిర విమాన ఇంధనాన్ని వాణిజ్యపరంగా విమాన ప్రయాణాలకు వాడుకోవచ్చని 2011లోనే ఆమోదం లభించింది. ఇప్పటివరకు 2.25 లక్షల కన్నా ఎక్కువ వాణిజ్య ప్రయాణాలు సాగాయి. 600 కోట్ల లీటర్ల ఎస్ఏఎఫ్ను వాడుకున్నారు. దీన్ని చాలావరకు సంప్రదాయ విమాన ఇంధనంలో కలిపి వాడుతుంటారు. కానీ తాజాగా రాయల్ ఎయిర్ఫోర్స్ పూర్తిగా.. నూరు శాతం సుస్థిర ఇంధనంతోనే విమాన ప్రయాణాన్ని సుసాధ్యం చేయటం విశేషం.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
నాచులో నత్రజని ఫ్యాక్టరీ
ప్రకృతిలో బ్యాక్టీరియా, ప్రాణులు ఒకదాని మీద మరోటి ఆధారపడటం (సింబయోటిక్) మామూలే. కానీ ఆ బ్యాక్టీరియా ప్రాణిలో భాగంగా మారితే? శక్తినందించే వనరుగా పరిణమిస్తే? అలాంటి విషయాన్నే శాస్త్రవేత్తలు గుర్తించారు. -
లిథియం బ్యాటరీ పేలకుండా..
ఇప్పుడు లిథియం-అయాన్ బ్యాటరీలు లేని డిజిటల్ పరికరాలను ఊహించుకోలేం. సెల్ఫోన్ల దగ్గరి నుంచి స్మార్ట్వాచ్ల వరకూ అన్నింటికీ ఇవే ఆధారం. ఐప్యాడ్, మ్యాక్, ఎలక్ట్రిక్ టూత్బ్రష్, ట్రిమ్మర్ వంటివీ వీటితోనే పనిచేస్తాయి. -
అణువు మందం బంగారు పొర
బంగారాన్ని పొరలుగా మలచటం తెలుసు. కానీ అతి పలుచటి.. ఆ మాటకొస్తే కేవలం అణువు మందం పొరగా మలచటం చాలా కష్టం. ఇందుకోసం శాస్త్రవేత్తలు చాలాకాలంగా ప్రయత్నిస్తున్నారు. -
నక్షత్రాలూ సంచరిస్తాయి!
నక్షత్ర మండలంలో కోట్లాది నక్షత్రాలుంటాయి. సాధారణంగా ఇవి తమ నక్షత్ర మండలానికే పరిమితమవుతాయి. కానీ కొన్ని మాత్రం నక్షత్ర మండలాల మధ్య తిరుగుతుంటాయి. తమ నక్షత్ర మండలం గురుత్వాకర్షణకు కట్టుబడి ఉండవు. -
లాలీపాప్తో నోటి క్యాన్సర్ జాడ
క్యాన్సర్లను నిర్ధరించటానికి కణజాలం నుంచి చిన్న ముక్కను తీసి పరీక్ష చేస్తుంటారు (బయాప్సీ). ఇందుకోసం శరీరానికి కోత పెట్టాల్సి ఉంటుంది. నొప్పి పుడుతుంది. బయాప్సీ చేయటానికి నిపుణులు అవసరం. -
వరదొచ్చే.. వరదొచ్చే.. వారం ముందే అంచనా
కృత్రిమ మేధ (ఏఐ) రోజురోజుకీ కొత్త పుంతలు తొక్కుతోంది. కంపెనీలు వినూత్న టూల్స్ను సృష్టిస్తూ సత్తాను చాటుకోవటానికి ప్రయత్నిస్తున్నాయి. ఈ విషయంలో గూగుల్ ఇటీవల గొప్ప పురోగతిని సాధించింది. -
భూగర్భంలో నీరెంత?
భూమి మీద మూడొంతుల మేర ఉండేది నీరే. మరి భూగర్భంలో ఎంత నీరుంటుంది? ఎంతుంటే ఏంటని మనం అనుకుంటామేమో గానీ శాస్త్రవేత్తలు అలా కాదు. -
గది ఉష్ణోగ్రత వద్దే క్యూబిట్లు స్థిరంగా..
క్వాంటమ్ కంప్యూటింగ్ శరవేగంగా అభివృద్ధి చెందుతోంది. సమాచార పరిశీలన, విశ్లేషణ ప్రక్రియలో విప్లవాత్మక మార్పులకు శ్రీకారం చుడుతోంది. -
పాలపుంత కేంద్రం తెలుసా?
మన నక్షత్ర మండలమైన పాలపుంత కేంద్రం ఎక్కడుందో తెలుసుకోవాలని అనుకుంటున్నారా? అయితే ఐఫోన్ కొత్త యాప్ సాయం తీసుకోవచ్చు. -
పీసీఆర్ కథ
పాలిమరేజ్ చైన్ రియాక్షన్ అంటే ఎవరికీ తెలియకపోవచ్చు. కానీ పీసీఆర్ పరీక్ష అనగానే అంతా గుర్తుపట్టేస్తారు. కొవిడ్ విజృంభించినప్పుడు ఇదెంత ప్రాముఖ్యం సంతరించుకుందో తెలిసిందే -
పురాతన నక్షత్ర మండలం సరికొత్త సవాల్
కృష్ణ పదార్థం (డార్క్ మ్యాటర్) చుట్టూ ఉండే భారీ పరివేషాల సమీపంలో తొలి నక్షత్ర మండలాలు ఏర్పడ్డాయని ఖగోళ శాస్త్రవేత్తలు భావిస్తుంటారు. -
సుదూర అంతరిక్షంలో మరో భూమి!
భూమి ఆయుష్షు ఏటికేడు తగ్గుతూ వస్తోంది. వనరులూ తగ్గుతూ వస్తున్నాయి. దీన్ని దృష్టిలో పెట్టుకునే మన భూమిలాంటి నివాసయోగ్య గ్రహాల కోసం ఖగోళ శాస్త్రవేత్తలు చాలాకాలంగా అన్వేషిస్తూనే ఉన్నారు. ఒకవేళ భవిష్యత్తులో ఎప్పుడైనా భూమి నివసించటానికి పనికిరాకుండా పోతే, మానవజాతి అంతరించకుండా చూడటం దీని ఉద్దేశం. ఈ నేపథ్యంలో అమెరికా అంతరిక్ష సంస్థ నాసా శాస్త్రవేత్తలు ‘భారీ భూమి’ని (సూపర్ ఎర్త్) గుర్తించారు. -
ఇంటి గాలిని వడపోసే మొక్క
వాయు కాలుష్యం అనగానే రద్దీ రహదారులు, పారిశ్రామిక పాంతాలే గుర్తుకొస్తాయి. కానీ ఇళ్లు, కార్యాలయాలూ తక్కువేమీ కాదు. ఆ మాటకొస్తే బెంజీన్, టొల్యూన్, జైలీన్, ఫార్మాల్డిహైడ్ వంటి వాయు కాలుష్య కారకాలు ఆరుబయట కన్నా ఇంటి లోపలే 2 నుంచి 5 రెట్లు ఎక్కువని అమెరికాకు చెందిన ఎన్విరాన్మెంటల్ ప్రొటెక్షన్ ఏజేన్సీ చెబుతోంది. -
అంగారకుడి శోధనకు వినూత్న వ్యోమనౌక
అంగారకుడి శోధనకు అమెరికా అంతరిక్ష సంస్థ నాసా వినూత్న వ్యోమనౌకను రూపొందించనుంది. దీని పేరు మార్స్ ఏరియల్ గ్రౌండ్ ఇంటెలిజెంట్ ఎక్స్ప్లోరర్ (మ్యాగ్గీ). -
గోబర్ గ్యాస్ రాకెట్!
గోబర్ గ్యాస్తో వంట చేసుకోవటం పాత విషయమే. దీంతో రాకెట్లనూ నడపొచ్చని తెలుసా? జపాన్కు చెందిన ఒక అంతరిక్ష సంస్థ అలాంటి రాకెంట్ ఇంజిన్నే రూపొందించింది. -
హ్యామ్- అంతరిక్షంలోకి వెళ్లిన తొలి చింపాంజీ
మనుషుల కన్నా ముందు జంతువులే అంతరిక్షంలో అడుగుపెట్టాయి. వీటిల్లో హ్యామ్ అనే చింపాంజీ ఒకటి. అమెరికా చేపట్టిన మెర్క్యురీ ప్రాజెక్టులో భాగంగా ప్రయోగాత్మక రాకెట్ ద్వారా ఇది అంతరిక్షంలోకి వెళ్లింది. అప్పుడు హ్యామ్ వయసు మూడున్నరేళ్లే. గంటకు 8,046 కిలోమీటర్ల వేగంతో దూసుకెళ్లిన రాకెట్ ద్వారా ఇది 241 కిలోమీటర్ల ఎత్తుకు చేరుకుంది. -
స్వయం ప్రయోగశాలలు
స్వయం చోదక వాహనాల గురించి తెలిసిందే. ఎక్కి కూర్చోగానే వాటంతటవే గమ్యానికి చేరుస్తాయి. మొదట్లో సైన్స్ ఫిక్షన్ కథలా అనిపించినా ఇప్పుడివి కొన్నిదేశాల్లో నిత్య జీవనంలోకీ వచ్చేశాయి. -
భారీ విశ్వదర్శిని!
అంతర్జాతీయ టెలిస్కోప్ ప్రాజెక్టు స్క్వయర్ కిలోమీటర్ అరే(ఎస్కేఏ)లో మనదేశం అధికారికంగా చేరనుంది. దీని నిర్మాణానికి రూ.1,250 కోట్లు కేటాయించాలని నిర్ణయించింది. -
కీటకం ఈత గుట్టు
కీటకాలకు ఒలింపిక్ క్రీడల పోటీలు నిర్వహిస్తే ఈతలో వర్లిగిగ్ బీటిల్ బంగారు పతకం కొట్టేయటం ఖాయం. ఉండేది సెంటీమీటరు పొడవే అయినా వేగంలో దీన్ని మించిన కీటకం లేదు -
కిరణజన్య సంయోగక్రియ మూలం!
మన భూమ్మీద ప్రాణులు జీవించి ఉండటానికి ఆక్సిజన్నే ఆధారం. దీనికి మూలం కిరణజన్య సంయోగక్రియ. వృక్షాలు, మొక్కలు గాల్లోంచి కార్బన్ డయాక్సైడ్, భూమిలోంచి నీరు, సూర్యుడి నుంచి కాంతిని గ్రహించి చక్కెరను సృష్టించుకుంటాయి. -
బొగ్గు దాణా!
బొగ్గుతో ఏం చేస్తారు? పొయ్యిలో మండించి వంట వండుకుంటారు. విద్యుత్ కేంద్రాల్లో విద్యుత్తు ఉత్పత్తి చేస్తారు. ఇంకేం చేస్తారు? చైనా శాస్త్రవేత్తలైతే దాణానూ తయారుచేస్తారు
తాజా వార్తలు (Latest News)
-
మన దగ్గర ఇదే సమస్య.. హార్దిక్ గురించి పిల్లలకూ చెబుతాం: వసీమ్ అక్రమ్
-
‘యానిమల్’ టూ ‘రామాయణ’.. రణబీర్ ట్రాన్స్ఫర్మేషన్ షేర్ చేసిన ట్రైనర్
-
రూ.29కే జియోసినిమా ప్రీమియం.. యాడ్ ఫ్రీ కంటెంట్, 4K వీడియో క్వాలిటీ
-
హైదరాబాద్, బెంగళూరు మ్యాచ్.. మెట్రో రైళ్ల సమయం పొడిగింపు
-
రూ.8500కే మూడు రోజుల శిర్డీ టూర్.. ఐఆర్సీటీసీ ప్యాకేజీ వివరాలు ఇవీ..
-
కెమెరామెన్కు సారీ చెప్పిన పంత్.. ఎందుకో తెలుసా?