Covaxin: టీన్స్‌కి ఇచ్చేందుకు కొవాగ్జిన్‌కే అనుమతి

ఆరోగ్య కార్యకర్తలు అప్రమత్తంగా ఉండాలి

భారత్‌ బయోటెక్‌ సూచన

ఈనాడు, హైదరాబాద్‌: దేశంలో అనేకచోట్ల 15- 18 ఏళ్ల పిల్లలకు ‘కొవాగ్జిన్‌’ టీకాకు బదులుగా ఇతర టీకాలు ఇస్తున్నట్లు తమ దృష్టికి వచ్చిందని భారత్‌ బయోటెక్‌ ఇంటర్నేషనల్‌ పేర్కొంది. ఈ విషయంలో ఆరోగ్య కార్యకర్తలు అప్రమత్తంగా ఉండాలని కోరింది. 15- 18 ఏళ్ల మధ్య వయస్కులైన పిల్లలకు ఇచ్చేందుకు ‘కొవాగ్జిన్‌’ టీకా మాత్రమే అనుమతి పొందిన విషయాన్ని గుర్తించాలని సంస్థ పేర్కొంది అన్ని రకాలుగా పరీక్షించి, ఫలితాలను విశ్లేషించాకే ‘కొవాగ్జిన్‌’ టీకాను పిల్లలకు ఇవ్వడానికి అనుమతించారని వివరించింది.