న్యాక్‌కు అసోచాం జాతీయ పురస్కారం

ఈనాడు, హైదరాబాద్‌: ఉపాధి కల్పనలో దక్షిణ భారతదేశంలో అగ్రస్థానంలో నిలిచినందుకుగాను తెలంగాణలోని జాతీయ నిర్మాణ సంస్థ (నేషనల్‌ అకాడమీ ఆఫ్‌ కన్‌స్ట్రక్షన్స్‌)కు అసోచాం జాతీయ స్థాయి పురస్కారం లభించింది. శుక్రవారం ఝార్ఖండ్‌ రాజధాని రాంచీలో ఆన్‌లైన్‌లో నిర్వహించిన కార్యక్రమం ద్వారా ఈ పురస్కారాన్ని ఆ రాష్ట్ర గవర్నర్‌ రమేష్‌ బేస్‌, శాసనసభాపతి రవీంద్రనాథ్‌లు.. న్యాక్‌ డైరెక్టర్‌ జనరల్‌ బిక్షపతికి అందజేశారు. న్యాక్‌కు ఉపాధి కల్పనలో ఉత్తమ సంస్థ పురస్కారం రావడంపై సంస్థ వైస్‌ ఛైర్మన్‌, మంత్రి వేముల ప్రశాంత్‌రెడ్డి హర్షం వ్యక్తం చేశారు.