ఇక ఐదేళ్లు ఆ చింత ఉండదు!  
close
Updated : 14/08/2021 04:45 IST

ఇక ఐదేళ్లు ఆ చింత ఉండదు!  

టీనేజర్ల కోసం ప్రత్యేకంగా తయారు చేసిన ఈ శానిటరీ నాప్కిన్లని ఐదేళ్లు మార్చాల్సిన అవసరం లేదు. భూమిలోనూ తేలిగ్గా కలిసిపోతాయి. పన్నెండేళ్ల క్రితం తనకెదురయిన అనుభవమే ఈ ఆవిష్కరణకు మూలం అని వివరించారు హైదరాబాదీ యువతి దేవీ దత్త...

99లో ఒడిశాని వరదలు ముంచెత్తిన సమయం అది. అప్పటికి పదిహేనేళ్ల వయసున్న దేవిదత్త.. తల్లితోపాటు ఆ ప్రాంతాలన్నీ తిరిగి మహిళలకు అవసరమైన సాయం అందించింది. వరదనీరు ముంచెత్తిన ఆ సమయంలో స్త్రీలు ఆకలితో కన్నా, నెలసరిలో అవసరం అయిన శానిటరీ నాప్కిన్లు దొరక్కే ఎక్కువ ఇబ్బంది పడ్డారు. ఆ అనుభవం దేవిని కొన్నేళ్లు వెంటాడింది. దానికో పరిష్కారం కోసం పరితపించేలా చేసింది. అందుకే ఆమె 12 ఏళ్లు పాటు ఎన్ని పెద్ద ఉద్యోగాలు చేసినా.. అవన్నీ వదిలి శానిటరీ నాప్కిన్ల తయారీపై దృష్టి పెట్టి విజయం సాధించింది. ‘మా సొంతూరు భువనేశ్వర్‌. నాన్న రాధాకాంతదాస్‌ ప్రభుత్వోద్యోగి. అమ్మ ఓ కాలేజీని నడుపుతూ, సేవా కార్యక్రమాలూ చేసేది. అమ్మ వెంట నేనూ తిరిగేదాన్ని. ఆ సమయంలోనే మహిళలు రుతుస్రావ సమయంలో పడే ఇబ్బందులు, వాళ్లు పాటించే అశాస్త్రీయ విధానాల కారణంగా వచ్చే జబ్బుల గురించీ తెలిసింది. అప్పుడే దీనికో పరిష్కారం కనుక్కోవాలని అనుకున్నా’ అని వివరించింది దేవి. అందుకోసమే తను బయోటెక్నాలజీలో ఇంజినీరింగ్‌ చేసింది. ఆ తర్వాత ఐసీఐసీఐ, వొడాఫోన్‌, ఎయిర్‌సెల్‌ వంటి సంస్థల్లో సేల్స్‌/మార్కెటింగ్‌ విభాగాల్లో 12 ఏళ్లు పని చేసినా లక్ష్యాన్ని మాత్రం మర్చిపోలేదు. ఆస్ట్రేలియాలోని ప్రఖ్యాత ‘రాయల్‌ మెల్‌బోర్న్‌ ఇన్‌స్టిట్యూట్‌ ఆఫ్‌ టెక్నాలజీ’ నుంచి ‘డిజైన్‌ థింకింగ్‌’లో ఎంబీఏ చేసింది. ఇంజినీరుగా తన పరిజ్ఞానానికి ఈ కోర్సులో నేర్చున్న డిజైనింగ్‌ నైపుణ్యాలని జోడించి రుతుస్రావ సమస్యలకు పరిష్కారం చూపాలనుకుంది. అలా ‘లెమిబీ’ పేరుతో హైదరాబాద్‌లో స్టార్టప్‌ని ప్రారంభించి ‘పీరియడ్‌ కేర్‌ మార్కెట్‌’లోకి ప్రవేశించింది. టీనేజర్ల కోసం ప్రత్యేక శానిటరీ ప్యాడ్లు, హెవీ ఫ్లో ప్యాడ్లు, టాంపూన్లు అందుబాటులోకి తెచ్చింది. ‘జడ్‌ కప్‌’, ‘జడ్‌ డిస్క్‌’ పేరుతో వినూత్న డిజైన్లని రూపొందించింది. తన ఉత్పత్తులకు యూఎస్‌కు చెందిన ‘ఎఫ్‌డీఏ’ (ఫుడ్‌ అండ్‌ డ్రగ్‌ అడ్మినిస్ట్రేషన్‌) అనుమతులూ లభించాయి. ప్లాస్టిక్‌ పరిశోధనా సంస్థ సీపెట్‌ సహకారంతో భూమిలో కలిసిపోయే ప్రత్యేకమైన మెటీరియల్‌తో ‘సూపర్‌ అబ్జార్బింగ్‌ పాలిమర్‌’ అనే ఉత్పత్తిని రూపొందించింది. మొత్తం 15 రకాల ఉత్పత్తులను అందుబాటులోకి తీసుకురాగా ఇవి ఆస్ట్రేలియాలోనూ ఆదరణ పొందుతున్నాయి. ‘వీటిని వినియోగించుకోవడం తేలిక. పర్యావరణహితమైనవి. సరిగా శుభ్రపరుచుకుంటే వీటిని ఐదేళ్ల వరకు నిస్సంకోచంగా వాడవచ్చు. ఆన్‌లైన్‌లో అమ్మకాలకి ఆదరణ పెరుగుతోంది. హైదరాబాద్‌లోని మూసాపేటలో వీటిని తయారు చేస్తున్నాం. 20 మందికి ప్రత్యక్షంగా మా సంస్థలో ఉద్యోగాలివ్వగలిగాను. ఈ డిజైన్లకు మేధోసంపత్తి హక్కుల కోసం కూడా దరఖాస్తు చేశా. సాటి మహిళల ఇబ్బందులకు పరిష్కారంగా తయారు చేసిన ఈ ఉత్పత్తులను అన్ని దేశాల్లోనూ విక్రయించాలన్నది నా లక్ష్యం,  దాన్ని సాధించగలను’ అంటూ ఆత్మవిశ్వాసంతో   వివరించింది దేవీదత్త.

- బి.ఎస్‌.రామకృష్ణ, విశాఖపట్నం



మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

తరువాయి

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

తరువాయి

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

తరువాయి

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని

సూపర్‌ విమెన్

మరిన్ని