ట్రేలు తుడిచేయండి!
close
Published : 07/08/2021 02:48 IST

ట్రేలు తుడిచేయండి!

నెలల తరబడి వంటగదిలోని స్టీలు, అల్యూమినియం అరలు నిర్లక్ష్యానికి గురవుతున్నాయా... గ్లాసులు, మూతలు, గిన్నెలు, డబ్బాలు... ఇలా కావాల్సినవన్నీ పెట్టుకునే అరలు మురికిగా మారితే సరైన శుభ్రత లేక తుప్పు పడితే.. అమ్మ బాబోయ్‌ అనుకుంటున్నారా... అయితే ఇది మీ కోసమే...

ట్రేలను (స్టెయిన్‌లెస్‌ స్టీల్‌ అరలు) నెలకోసారైనా శుభ్రం చేయాలి. లేదంటే తడి వల్ల బూజు, తుప్పు పడతాయి.

* గిన్నెలను కడిగిన వెంటనే వీటిలో పెట్టేస్తుంటారు చాలామంది. ఇలా చేస్తే ట్రేలు త్వరగా పాడవుతాయి.

* వీటిని శుభ్రం చేయడానికి మీరే సొంతంగా క్లీనింగ్‌ సొల్యూషన్‌ను తయారు చేసుకోవచ్చు. చెంచా చొప్పున ఉప్పు, వంటసోడా, లిక్విడ్‌ డిష్‌ వాషర్‌, నిమ్మరసం తీసుకుని పేస్ట్‌లా చేసుకోండి.  స్క్రబ్బర్‌తో లేదా పాత టూత్‌ బ్రష్‌తో ఈ పేస్ట్‌ను ట్రాలీపై రుద్దాలి. తర్వాత పొడి వస్త్రంతో తుడిస్తే సరి. ఉప్పు వల్ల తుప్పు, ఫంగస్‌ రెండూ పోతాయి. పూర్తిగా నీటితో కడగాలనుకుంటే శుభ్రం చేసిన తర్వాత తప్పనిసరిగా ఎండలో పెట్టాలి.

* ట్రేలు పూర్తిగా శుభ్రమయ్యాక కొబ్బరి నూనెలో దూది ఉండను ముంచి వాటిని తుడిస్తే చక్కగా మెరుస్తాయి. ఆవనూనెనూ వాడొచ్చు. ఈ నూనె పెట్టి గంట తర్వాత ట్రేను బాక్స్‌లో సర్దేయాలి.

* తడిగా ఉన్న గిన్నెలను స్టీలు అరల్లో వెంటనే సర్దేయొద్దు. పూర్తిగా తడారి పోయిన తర్వాతే లోపల పెట్టాలి. పొడి వస్త్రంతో ఎప్పటికప్పుడు తుడుస్తుండాలి. ఇలా చేస్తే నీటి మరకలు పడవు.



మరిన్ని

ఇంట్లో పదే పదే తాకే వాటిని ఇలా శుభ్రం చేయాల్సిందే!

ప్రస్తుత ప్రతికూల పరిస్థితుల్లో రోజూ మనం ఇంట్లో ఉన్నా, బయటికి వెళ్లొచ్చినా వ్యక్తిగత శుభ్రత పాటించడం, మనతో పాటు తెచ్చిన వస్తువుల్ని శానిటైజ్‌ చేయడం.. వంటివి కచ్చితంగా పాటిస్తున్నాం.. మరి, మనం ఇంట్లో పదే పదే తాకే వస్తువుల సంగతేంటి? మనం బయటికెళ్లినా అవి ఇంట్లోనే ఉంటున్నాయి కదా.. అంటారా? అయినా సరే.. వాటిని రోజూ శుభ్రం చేయాల్సిందే అంటున్నారు నిపుణులు. తద్వారా వాటిపై చేరే వైరస్‌, బ్యాక్టీరియా, క్రిములు ఒకరి నుంచి మరొకరికి అంటుకోకుండా జాగ్రత్తపడచ్చు. ఇంతకీ మనం ఇంట్లో తరచూ తాకే ప్రదేశాలు, వస్తువులేంటి? వాటిని ఎలా శానిటైజ్‌ చేయాలి? రండి తెలుసుకుందాం..!

తరువాయి

అందుకే టవల్స్ విషయంలోనూ శుభ్రంగా ఉండాల్సిందే!

ఉదయం నిద్ర లేచింది మొదలు.. రాత్రి నిద్రపోయే వరకు రోజులో ఎన్నోసార్లు ముఖాన్ని, చేతుల్ని కడుక్కుంటూ ఉంటాం. ఇలా కడిగిన ప్రతిసారీ కచ్చితంగా టవల్‌తో తుడుచుకోవాల్సిందే. ఇలా మనకు తెలియకుండానే రోజులో చాలాసార్లు టవల్‌ను వాడుతూనే ఉంటాం. మరి, మీరు నిత్యం ఉపయోగించే ఈ టవళ్లు బ్యాక్టీరియాలకు మంచి ఆవాసాలనే విషయం మీకు తెలుసా? కరోనా విలయ తాండవం చేస్తున్న నేపథ్యంలో - ప్రతి రోజూ మీరు ఉపయోగించే టవల్ విషయంలో ఎంతవరకు జాగ్రత్త వహిస్తున్నారు? ఇంతకీ టవళ్లను ఎప్పటికప్పుడు శుభ్రం చేసుకోకపోతే కలిగే నష్టాలేంటి..? వీటిని అధిగమించడానికి ఎలాంటి జాగ్రత్తలు తీసుకోవాలి?.. రండి తెలుసుకుందాం..

తరువాయి

మాడ్యులర్ కిచెన్ ఎలా ఉండాలంటే..

కొత్త ట్రెండ్స్ కేవలం ఫ్యాషన్‌కు మాత్రమే పరిమితం అనుకుంటే పొరపాటే. మనం కొత్తగా సిద్ధమవ్వడమే కాదు.. మన ఇంటినీ కొంగొత్త ఇంటీరియర్స్‌తో సరికొత్తగా మార్చేయవచ్చు. అందులోనూ.. ప్రస్తుతం మహిళలందరూ మారుతున్న ట్రెండ్స్‌కు అనుగుణంగా తమ ఇంటిని ట్రెండీగా, స్త్టెలిష్‌గా తీర్చిదిద్దుకోవాలని భావిస్తున్నారు కూడా.. ఈ నేపథ్యంలో చాలామంది మాడ్యులర్ కిచెన్స్‌కు ఓటేస్తున్నారు. అయితే వీటి నిర్మాణ క్రమంలో కొన్ని ముఖ్యమైన అంశాలు దృష్టిలో పెట్టుకుంటేనే వంటగది సౌకర్యవంతంగా నిర్మించుకోవడానికి అవకాశం ఉంటుందంటున్నారు ఇంటీరియర్ నిపుణులు. మరి, ఆ అంశాలేంటో మనమూ తెలుసుకుందాం రండి..

తరువాయి

కరోనా వేళ నగల్ని కూడా ఇలా శానిటైజ్ చేయాల్సిందేనట!

కరోనా కేసులు క్రమంగా తగ్గుతున్నంత మాత్రాన వైరస్‌ పీడ విరగడైంది అనుకోవడానికి లేదు.. ఎందుకంటే ఈ మాయదారి మహమ్మారి ఎప్పుడెలా విరుచుకుపడుతుందో ఎవరికీ అంతు చిక్కట్లేదు. అందుకే కొవిడ్‌ తగ్గుముఖం పట్టినా, టీకా వేసుకున్నా కనీస జాగ్రత్తలు పాటించాల్సిందే అని నిపుణులు పదే పదే చెబుతున్నారు. ఇక బయటి నుంచి తెచ్చిన ప్రతి వస్తువునూ శానిటైజ్‌ చేయాల్సిందే అంటున్నారు. మనం రోజూ ధరించే వివిధ రకాల ఆభరణాలూ ఇందుకు మినహాయింపు కాదంటున్నారు. ఎందుకంటే కరోనా వైరస్‌ లోహాలపై మూడు గంటల నుంచి మూడు రోజుల దాకా జీవించి ఉంటుందని సెంటర్స్‌ ఫర్‌ డిసీజ్‌ కంట్రోల్‌ అండ్‌ ప్రివెన్షన్‌ (సీడీసీ) సంస్థ చెబుతోంది. ఈ నేపథ్యంలో మనం రోజూ ధరించే ఆభరణాలను ఎలా శానిటైజ్‌ చేయాలో తెలుసుకుందాం రండి..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


వర్క్‌ & లైఫ్

మరిన్ని

సూపర్‌ విమెన్

మరిన్ని