నిమ్మరసం అమ్మిన చోటే.. పోలీసు అధికారిణిగా..
close
Published : 29/06/2021 01:49 IST

నిమ్మరసం అమ్మిన చోటే.. పోలీసు అధికారిణిగా..

కట్టుకున్నోడికీ, కుటుంబానికీ దూరమై.. చేతిలో నెలల చిన్నారితో ఒంటరైంది! ఆ పసివాడి ఆకలి తీర్చడానికి చిన్నాచితకా పనులెన్నో చేసింది.. చివరికి రోడ్డువారన నిమ్మరసం కూడా అమ్మింది 31 ఏళ్ల అన్నీశివ.  ఆ పరిస్థితి నుంచి ఎస్సైగా మారి అందరి మన్ననలు అందుకుంటున్న అన్నీ కథ ఎందరికో స్ఫూర్తిదాయకం...

దువులో చురుకుగా ఉండే అన్నీని పోలీసు ఆఫీసర్‌గా చూడాలనేది ఆమె తండ్రి కల. తన ఆశయం కూడా అదే. కానీ ప్రేమించిన వాడికోసం చదువునూ, ఆశయాన్నీ పక్కనపెట్టింది. దురదృష్టవశాత్తు ఆ బంధం ఎన్నో రోజులు నిలబడలేదు. ఒక బాబు పుట్టాక వాళ్లు విడిపోయారు. ఆరునెలల ఆ చిన్నారిని తీసుకుని ఒంటరిగా బయటకొచ్చింది. అప్పటికి ఆమె వయసు 18. ఇటు కన్నవాళ్లూ చేరదీయలేదు. ఉద్యోగం చేద్దామంటే చేతిలో డిగ్రీ లేదు. దాంతో సేల్స్‌గర్ల్‌గా ఇంటింటికీ తిరిగి చిన్నచిన్న వస్తువులను అమ్మేది. పర్యాటక ప్రాంతాల్లో నిమ్మరసం, ఐస్‌క్రీం అమ్ముతూ పొట్టపోసుకుంది. ఇలా కష్టపడుతూనే... డిగ్రీ పూర్తిచేసి దూరవిద్యలో పీజీ చదివింది. పోలీసుశాఖలో చేరడానికి ప్రవేశ పరీక్షకు హాజరై ఉత్తీర్ణత సాధించింది. సివిల్‌ పోలీసు ఆఫీసర్‌గా 2016లో విధుల్లో చేరింది. ఎస్సై అవ్వాలనే తన ఆశయాన్ని మర్చిపోలేదు. మూడేళ్ల తర్వాత తన కల నెరవేరింది. ‘నన్ను పోలీసు ఆఫీసర్‌గా చూడాలనేది నాన్న కల. ఏడాదిన్నరపాటు శిక్షణ పూర్తిచేసుకుని ఇప్పుడు ఎస్సై అయ్యా. వర్కలా పోలీసుస్టేషన్‌ పరిధిలో శివగిరి వంటి పర్యాటక ప్రాంతాలెక్కువ. ఇక్కడే నా బిడ్డను పోషించుకోవడం కోసం నిమ్మరసం, ఐస్‌క్రీం అమ్మేదాన్ని. ఇప్పుడదే పోలీసు స్టేషన్‌కు ఎస్సైగా వచ్చా. ఈ స్థాయికి రావడానికి ఎన్నో కష్టాలెదుర్కొన్నా. ఒంటరిగా నా కొడుకును పెంచడానికి చాలా శ్రమించా. మంచి స్కూల్లో వేశా. వాడితోపాటు నేనూ చదువుకున్నేదాన్ని. నా ఆశయ సాధనలో మగవాళ్ల నుంచి ఇబ్బంది రాకూడదని అబ్బాయిలా కనిపించడానికి క్రాఫ్‌ చేయించుకున్నా. జీవితంలో అనుకోనిది జరిగితే ఏడుస్తూ కూర్చోకూడదు. అవకాశం ఉన్నంతవరకూ పోరాడుతూనే ఉండాలి. నా గెలుపును మా పోలీసు విభాగం ఫేస్‌బుక్‌లో ప్రస్తావించి అభినందనలు తెలపడం ఆనందంగా ఉంది. ‘కష్టాలెన్నెదురైనా వాటిని ఛాలెంజ్‌గా తీసుకుని సాధించింది’ అంటూ సోషల్‌మీడియాలో సినీనటులు, ప్రముఖులెందరో ప్రశంసిస్తుంటే సంతోషంగా ఉంది. అన్నింటికంటే ఎక్కువగా ‘చేతిలో నెలల చిన్నారితో అనాథలా నిలిచినా, జీవితంతో పోరాడి గెలిచి ప్రపంచవ్యాప్తంగా ఉన్న మహిళలందరికీ గర్వకారణమైంది’ అని మా రాష్ట్ర ఆరోగ్య శాఖ మంత్రి వీణాజార్జి అనడం, శశిథరూర్‌ నా కథను చదివి చాలా స్ఫూర్తి పొందానంటూ ప్రశంసించడం నా జీవితంలో మర్చిపోలేను’ అంటోంది అన్నీ.

మరిన్ని

నారీ... వ్యాయామ దారి!

ఇంట్లో పనే ఎక్సర్‌సైజు... ఒక గృహిణి అభిప్రాయం. ఆఫీసుకెళ్లొచ్చే సరికే టైం అయిపోతుంది. మళ్లీ జిమ్‌కు వెళ్లే తీరిక ఎక్కడిది? ఒక ఉద్యోగిని ఆవేదన. జిమ్‌ కెళ్లినా అక్కడ మగవాళ్లతో పాటు చేయలేం... ఇదో యువతి సమస్య... ఆరోగ్యాన్ని కాపాడుకోవాలనే ఆలోచన ఉంటే మార్గాలు బోలెడు ఉన్నాయంటున్నారు...జీరోసైజ్‌ లేదా సన్నగా, నాజూగ్గా ఉండాల్సిన అవసరం సినీతారలు, మోడల్స్‌కు మాత్రమే. మేమెందుకు నోరు కట్టేసుకోవాలి, కసరత్తులంటూ చెమటోడ్చాలి అనే భావన చాలా మంది మహిళల్లో ఉండేది. గృహిణులకు ఇంటిపనే సరిపోతుందిలే’ అనే అపోహ ఉండేది. ఇప్పుడు మహిళలకూ ఉద్యోగ, ఉపాధి అవకాశాలు పెరగటంతో జీవనశైలిలో మార్పులు వచ్చాయి.

తరువాయి

చదువుల రాణి.. పసిడి కొల్లగొట్టింది..!

సాధారణంగా చదువులో ముందున్న వారు ఆటల్లో వెనకబడతారు.. అదే ఆటల్లో ముందున్న వారు చదువులో రాణించరు.. అంటుంటారు. కానీ చదువులో, ఆటల్లో.. రెండింట్లోనూ సత్తా చాటే వారు చాలా అరుదుగానే ఉంటారు. ఆస్ట్రియా సైక్లిస్ట్‌ అన్నా కిసెనోఫర్‌ కూడా అలాంటి మహిళే! వృత్తిరీత్యా గణిత విద్యావేత్త అయిన ఆమె.. అండర్‌ డాగ్‌గా టోక్యో ఒలింపిక్స్‌ బరిలోకి దిగింది. అందరి అంచనాల్ని తలకిందులు చేస్తూ ఫైనల్‌ ఫేవరెట్‌ను చిత్తు చేసి పసిడి పతకాన్ని కొల్లగొట్టింది. ఫలితంగా 125 ఏళ్లలో సైక్లింగ్‌ విభాగంలో ఒలింపిక్స్‌ పతకం గెలుచుకున్న తొలి ఆస్ట్రియా అథ్లెట్‌గా చరిత్ర సృష్టించింది. దీంతో ఆమె పేరు ప్రపంచమంతా మార్మోగిపోతోంది.

తరువాయి

సైకిల్‌ తొక్కితే రాళ్లు విసిరారు.. చంపేస్తామన్నారు!

అఫ్గానిస్థాన్‌కు చెందిన ఆమె చిన్నతనంలోనే సైకిల్‌ నేర్చుకుంది. అందులోనే జీవితాన్ని వెతుక్కోవాలనుకుంది. కానీ అక్కడి తాలిబన్లు, మత ఛాందసవాదులు ‘ఆడపిల్లలు సైకిల్‌ తొక్కడమేంటి?’ అంటూ ఆమె ఆశయానికి అడ్డుపడ్డారు. ధైర్యం చేసి సైకిల్‌తో రోడ్డుపై కొస్తే రాళ్లు విసిరారు. చంపేస్తామని బెదిరించారు. అందుకే ఉన్న వూరును విడిచిపెట్టి ప్రాణాలు అరచేతిలో పెట్టుకుని ఫ్రాన్స్‌కు వలస వెళ్లిపోయింది. అక్కడే తన సైక్లింగ్‌ లక్ష్యానికి మెరుగులు దిద్దుకుంది. ప్రతిష్ఠాత్మక ఒలింపిక్స్‌లో శరణార్థుల జట్టు తరఫున పాల్గొనే సువర్ణావకాశం సొంతం చేసుకుంది. ఆమే 24 ఏళ్ల మసోమా అలీ జాదా.

తరువాయి

సృజనాత్మక పరిష్కారానికి అరుదైన పురస్కారం!

యూరోపియన్‌ ఇన్వెంటర్‌ అవార్డ్‌.. వివిధ రంగాల్లో ఆవిష్కరణలు చేసి ఓ సరికొత్త ట్రెండ్‌ క్రియేట్‌ చేసిన వారికి ఏటా అందించే ప్రతిష్ఠాత్మక పురస్కారమిది! ఐరోపాతో పాటు ఇతర దేశాల వారు చేసిన అద్భుత ఆవిష్కరణల్ని గుర్తించి.. వాటి సృష్టికర్తలకు బహూకరించే ఈ పురస్కారం ఈసారి భారత సంతతికి చెందిన రసాయన శాస్త్రవేత్త సుమితా మిత్రాను వరించింది. ‘నాన్‌ యూరోపియన్‌ పేటెంట్‌ ఆఫీస్‌ కంట్రీస్‌’ విభాగం కింద యూరోపియన్‌ పేటెంట్‌ ఆఫీస్‌ (EPO) ఆమెకు ఇటీవలే ఈ అవార్డు అందించింది. దంత వైద్యంలో భాగంగా ఆమె చేసిన ఓ అసాధారణ ఆవిష్కరణతో ఎంతోమంది దంత సమస్యలకు పరిష్కారం దొరికినట్లయింది. ఈ నేపథ్యంలోనే ఈ అరుదైన అవార్డు అందుకున్న సందర్భంగా ఈ ఇండో-అమెరికన్‌ గురించి కొన్ని విశేషాలు మీకోసం..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని