మండే టు సండే
close
Updated : 19/06/2021 01:10 IST

మండే టు సండే

వారంలో ఏడురోజులపాటు వరుసగా మనం తీసుకునే ఆహారంలో పోషక విలువలు పూర్తిగా ఉండాలంటున్నారు వైద్యనిపుణులు. సోమవారం నుంచి ఆదివారం వరకు మన ప్లేట్‌లో ఏం ఉండాలన్నది చెబుతున్నారు. అవేంటో చూద్దాం.

సోమవారం అల్పాహారంలో చక్కెర తక్కువగా, ప్రొటీన్లు ఎక్కువగా ఉండాలి. మంచి కొవ్వు, పీచు వంటివి ఉంటే ఆ వారమంతా ఆరోగ్యంగా ఉండటానికి ప్రాథమికంగా శరీరం సిద్ధమవుతుంది. నరాల వ్యవస్థ సక్రమంగా ఉండటమే కాకుండా, కొలస్ట్రాల్‌ పెరగకుండా కాపాడుతుంది. రక్తంలో చక్కెరస్థాయులు పెరగకుండా ఉంటాయి. ఇందుకోసం ఓట్స్‌, కొబ్బరిపాలు, గుమ్మడి విత్తనాలు, జీడిపప్పులు, బాదం, ఎండుద్రాక్ష తప్పనిసరి. వీటిలో ఒత్తిడిని తగ్గించే పోషకాలు మెండుగా ఉంటాయి. వీటన్నింటితోపాటు అరగంటసేపు వ్యాయామం చేస్తే చాలు. వారాన్ని ఉత్సాహంగా ప్రారంభించొచ్చు.

మంగళవారం... హార్మోన్స్‌ను సమతుల్యం చేసే ఆహారాన్ని తీసుకోవాలి. అవకాడో, టొమాటోలు, చిలకడదుంప, చేప, కిడ్నీ బీన్స్‌, ఉల్లిపాయను చేర్చుకోవాలి. అలాగే వంటకు ఆలివ్‌నూనెను వినియోగిస్తే మంచిది. నిమ్మరసం, మిరియాలపొడి, తేనె వంటివి ఆరోగ్యాన్ని పరిరక్షిస్తాయి.

బుధవారం... వారంలో మధ్యన వచ్చే ఈ రోజును జీర్ణవ్యవస్థను పరిరక్షించుకోవడానికి ప్రయత్నించాలి. క్యారెట్‌ వేసిన సూప్‌తో జీర్ణక్రియ సక్రమంగా జరుగుతుంది. ఇందులోని పీచు శరీరంలోని వ్యర్థాలను బయటకు పంపుతుంది. భోజనంలో క్యాలీఫ్లవర్‌, వెల్లుల్లి, నెయ్యి, ఉడికించిన తాజా కూరగాయలు తీసుకుంటే చాలు.

గురువారం... హృద్రోగాలకు దూరంగా ఉండాలంటే దానికి తగ్గట్లుగా ఆహారంలో తగు జాగ్రత్తలు తీసుకోవాలి. ఈ రోజున ఆకు కూరలు, పుట్టగొడుగులు, ఉడికించిన బీన్స్‌, చిలగడదుంపతోపాటు ఉల్లి, అల్లం, పచ్చిమిర్చి, క్యాబేజీ, బెల్‌పెపర్స్‌ భోజనంలో ఉండాల్సిందే. ఇవన్నీ గుండె ఆరోగ్యాన్ని పరిరక్షిస్తాయి. అధిక కొవ్వు పెరగకుండా రక్తప్రసరణ సవ్యంగా జరిగేలా చూస్తాయి.
శుక్రవారం... జీవక్రియలను సమతుల్యం చేసుకోవడానికి ఈ రోజును కేటాయించుకోవాలి. అలాగే శరీరాన్ని శక్తివంతంగా మార్చుకోవాలి. ఉదయం అల్పాహారంలో గుడ్లు, మిరియాల పొడితోపాటు తాజా కొత్తిమీర, సన్నగా తరిగిన టొమాటో, వెల్లుల్లితోపాటు చిరుధాన్యాలతో చేసిన బ్రెడ్‌ను తీసుకోవాలి. టొమాటోలోని విటమిన్‌ సి, లైకోపిన్‌ తక్షణశక్తిని అందిస్తాయి, వ్యాధినిరోధక శక్తిని పెంచుతాయి.
శనివారం.... వారాంతం రోజు. ఈ సమయంలో మానసిక ప్రశాంతతను పెంచుకోవాలి. ఒమేగా-3 ఫ్యాటీయాసిడ్స్‌ పుష్కలంగా ఉండే ఆయిలీ ఫిష్‌ చాలా మంచిది. ఆకుకూరల సలాడ్‌ మరవకూడదు. అలాగే పెరుగులోని పోషకాలు వ్యాధినిరోధకశక్తిని పెంచడంతోపాటు మెదడును ఆరోగ్యంగా ఉంచుతాయి.

ఆదివారం... ఈ రోజును డిటాక్సిఫికేషన్‌ కోసం కేటాయించాలి. పీచు ఎక్కువగా ఉండే బీన్స్‌, క్యారెట్‌ వంటివి తీసుకోవాలి. అలాగే కాలేయాన్ని ఆరోగ్యంగా ఉంచేలా భోజనాన్ని ఎంచుకోవాలి. ద్రాక్షపండ్లు కాలేయాన్ని శుద్ధి చేస్తాయి. ఉదయం పచ్చి క్యారెట్‌ జ్యూస్‌, మధ్యాహ్నం తాజా యాపిల్‌ రసాన్ని తాగితే మంచిది.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి