ఇంట్లో పెరిగే ఫంగస్‌ను ఇలా వదిలించేద్దాం! - natural ways to get rid of mold from home in telugu
close
Published : 27/08/2021 18:44 IST

ఇంట్లో పెరిగే ఫంగస్‌ను ఇలా వదిలించేద్దాం!

వర్షాలకు ఇంటి గోడలు చెమ్మగా మారడం, లోపలి వాతావరణం తేమగా ఉండడంతో ఇంట్లో ఫంగస్ పెరగడం మామూలే! అలాగని దీన్ని తేలిగ్గా తీసుకుంటే ఈ సూక్ష్మ క్రిములు గాల్లోకి చేరి వివిధ అనారోగ్యాలకు కారణమవుతాయంటున్నారు నిపుణులు. అందుకే ఈ ఫంగస్‌ను వీలైనంత త్వరగా తొలగించడంతో పాటు ఇంటిని ఎప్పుడూ పొడిగా ఉంచమంటున్నారు.

తేమ, చెమ్మ.. ఇంటి సంరక్షణ విషయంలో వర్షాకాలంలో ఇవి పెను సవాళ్లుగా మారుతుంటాయి. ముఖ్యంగా బీటలు వారిన గోడలు, బాత్‌రూమ్‌ టైల్స్‌, లీకేజీ ఉన్న పైపులు, మూసి ఉన్న వార్డ్‌రోబ్స్‌, సింక్‌ కింద.. వంటి ప్రదేశాలు ఎక్కువ చెమ్మగా ఉండి ఫంగస్‌ పెరుగుతుంటుంది. అలాగే చెక్క వస్తువులు, తడి దుస్తులపై కూడా ఈ ఆకుపచ్చటి బూజు ఏర్పడడం మనం గమనించచ్చు. అయితే ఈ సమస్యను దూరం చేసుకోవాలంటే కొన్ని సహజసిద్ధమైన చిట్కాలు ఉపయోగపడతాయి.

వెనిగర్

డిస్టిల్డ్‌ వైట్‌ వెనిగర్‌ 82 శాతం ఫంగస్‌ను తొలగిస్తుందని నిపుణులు చెబుతున్నారు. ఇందుకోసం వెనిగర్‌ను ఒక స్ప్రే బాటిల్‌లో నింపి నేరుగా సమస్య ఉన్న ప్రదేశంలో స్ప్రే చేయాలి. గంట తర్వాత స్క్రబ్బర్‌తో రుద్ది వేడి నీటితో శుభ్రం చేయాలి.. ఆ తర్వాత పొడిగా ఆరనివ్వాలి.

బేకింగ్‌ సోడా

బేకింగ్‌ సోడాతోనూ ఇంట్లోని ఫంగస్‌ను వదిలించచ్చు. రెండు కప్పుల వేడి నీటిలో టీస్పూన్‌ బేకింగ్‌ సోడా వేసి కలుపుకోవాలి. ఈ మిశ్రమాన్ని స్ప్రే బాటిల్‌లో పోసి.. ఫంగస్‌ ఉన్న ప్రదేశంలో స్ప్రే చేయాలి. గంట తర్వాత రుద్ది శుభ్రం చేస్తే సరిపోతుంది. ఇక ఆఖర్లో వైట్‌ వెనిగర్‌ను స్ప్రే చేయచ్చు.. లేదంటే ఈ మిశ్రమంలోనైనా కలిపి వాడుకోవచ్చు.

నిమ్మరసం

నిమ్మరసంలో ఉండే ఆమ్ల గుణం బూజును తొలగించడంలో సమర్థంగా పనిచేస్తుంది. ఇందులో ఉండే సహజసిద్ధమైన బ్లీచింగ్ గుణమే ఇందుకు కారణం. ఈ క్రమంలో టైల్స్‌ మధ్య, ఫ్లోర్‌పై, గోడలకు.. ఇలా బూజు ఉన్న చోటల్లా నిమ్మరసం అప్లై చేయాలి. ఓ అరగంట తర్వాత బ్రష్‌తో/స్క్రబ్బర్‌తో రుద్ది వేడి నీటితో కడిగేస్తే బూజు తొలగిపోతుంది. ఇల్లు పరిమళభరింతగానూ మారుతుంది.

వీటితో పాటు హైడ్రోజన్‌ పెరాక్సైడ్‌, క్లోరిన్‌ బ్లీచ్‌ కూడా ఆయా ప్రదేశాల్లో ఏర్పడిన బూజును వదిలించడంలో సహకరిస్తుంది.

 

ఎక్కడెక్కడ బూజు.. ఎలా తొలగించాలి?

* వార్డ్‌రోబ్స్‌ ఎప్పుడూ మూసి ఉండడం వల్ల గాలి తగలక అందులోని దుస్తుల పైన కూడా బూజు చేరే  అవకాశం ఉంటుంది. కాస్త తేమగా ఉన్న దుస్తులు అల్మరాలో పెట్టడం వల్ల కూడా ఈ సమస్య వస్తుంటుంది. ఇలాంటప్పుడు.. ఒక బకెట్‌ వేడి నీళ్లలో కప్పు వైట్‌ వెనిగర్‌ వేసి.. అందులో బట్టల్ని ఓ అరగంట పాటు నానబెట్టాలి. తర్వాత ఉతికేయాలి. ఇలా చేస్తే బట్టలపై ఉన్న బూజు వదిలిపోవడంతో పాటు దుస్తుల నుంచి వచ్చే అదో రకమైన వాసన తొలగిపోతుంది.

* లెదర్‌ వస్తువులు, షూస్‌, బ్యాగులు.. వంటివి తడిసినా లేదంటే ఇంట్లోని తేమ వాతావరణానికి బూజు పడుతుంటాయి. ఇలాంటప్పుడు డిస్టిల్డ్‌ వైట్‌ వెనిగర్‌లో ముంచిన ఒక క్లాత్‌తో ఆయా వస్తువుల్ని తుడవాలి. కాసేపయ్యాక గోరువెచ్చటి సోప్‌ వాటర్‌తో తుడిచి.. ఆఖరుగా పొడి వస్త్రంతో శుభ్రం చేస్తే సరిపోతుంది.

* పేపర్లు, పుస్తకాల మధ్య బూజు ఏర్పడినప్పుడు వాటిని ఆరుబయట ఎండలో ఆరబెట్టడం లేదంటే ఆయా పేజీల మధ్యలో సిలికా జెల్‌/కార్న్‌ స్టార్చ్‌ చల్లడం వల్ల అవి తేమను లాగేసుకుంటాయి.

* వాషింగ్‌ మెషీన్స్‌, రిఫ్రిజిరేటర్లు, కాఫీ మేకర్లు, ఒవెన్స్‌లో కూడా బూజు ఏర్పడడం మనం గమనించచ్చు. ఇలాంటప్పుడు వైట్‌ వెనిగర్‌తో వాటిని శుభ్రం చేయాల్సి ఉంటుంది. ఇక వాషింగ్‌ మెషీన్‌ని హాట్‌ వాటర్‌ సైకిల్‌లో పెట్టి.. కాస్త క్లోరిన్‌ బ్లీచ్‌ని జత చేస్తే అది శుభ్రమవుతుంది.

* ఇక చెక్క వస్తువులపై చేరిన బూజును ఇలా వదిలించుకోవచ్చు. ఒక వంతు డిష్‌వాషింగ్‌ డిటర్జెంట్‌, పది వంతుల బ్లీచ్‌, 20 వంతుల నీళ్లు తీసుకొని.. అన్నింటినీ కలపాలి. ఈ మిశ్రమంలో స్పాంజిని ముంచి ఆయా వస్తువుల్ని తుడవాలి. ఆపై మరో క్లాత్‌తో తుడవకుండా వాటంతటవే ఆరనివ్వాలి.

* ఇక వార్డ్‌రోబ్‌, బుక్‌ ర్యాక్‌.. వంటి మూసి ఉన్న ప్రదేశాల్లో తేమకు బూజు ఏర్పడకుండా ఉండాలంటే.. ఒక పొడి వస్త్రంలో వేపాకులు లేదా కర్పూరం-లవంగాలు.. చుట్టి మధ్యమధ్యలో అమర్చడం వల్ల అవి ఎప్పటికప్పుడు తేమను పీల్చేసుకొని ఆ ప్రదేశాన్ని పొడిగా ఉంచుతాయి.

 

ఇవి గుర్తుంచుకోండి!

* బీటలు వారిన గోడల్ని వీలైనంత త్వరగా రిపేర్‌ చేయించాలి.

* ఇంట్లో తేమ లేకుండా ఉండాలంటే ఓ హ్యుమిడిఫయర్‌ను అమర్చుకోవాలి.

* ఇంట్లోకి గాలి బాగా ప్రసరించేందుకు వీలుగా/సూర్యరశ్మి ఇంట్లోకి పడేలా కిటికీలు, తలుపులు తెరిచే ఉంచాలి.

* పొడి క్లాత్‌తో ఫర్నిచర్‌ని ఎప్పటికప్పుడు శుభ్రం చేస్తూ ఉండాలి.

* తేమగా ఉన్న ప్రదేశంలో బేకింగ్‌ సోడా చల్లడం, నాఫ్తలీన్ బాల్స్‌/సిలికా జెల్‌ పౌచుల్ని అమర్చడం మంచిది.

* పూర్తిగా ఆరని దుస్తుల్ని వార్డ్‌రోబ్‌లో అమర్చద్దు.

* ఫర్నిచర్‌ని గోడలకు ఆనించకుండా కాస్త దూరంగా ఉండేలా అమర్చుకోవాలి.

* ఇంట్లో బూజు ఏర్పడకుండా ఉండేందుకు ముందు జాగ్రత్తగా మౌల్డ్ రెసిస్టెంట్ ఉత్పత్తులు కూడా ప్రస్తుతం మార్కెట్లో దొరుకుతున్నాయి. వాటినీ ఉపయోగించచ్చు.

మరి, ఈ వర్షాకాలంలో ఇంట్లో బూజు ఏర్పడకుండా మీరు ఎలాంటి జాగ్రత్తలు తీసుకుంటున్నారు? సమస్యను తొలగించడానికి ఎలాంటి చిట్కాలు పాటిస్తున్నారు? మాతో పంచుకోండి!


Advertisement


మరిన్ని

ఇంట్లో పదే పదే తాకే వాటిని ఇలా శుభ్రం చేయాల్సిందే!

ప్రస్తుత ప్రతికూల పరిస్థితుల్లో రోజూ మనం ఇంట్లో ఉన్నా, బయటికి వెళ్లొచ్చినా వ్యక్తిగత శుభ్రత పాటించడం, మనతో పాటు తెచ్చిన వస్తువుల్ని శానిటైజ్‌ చేయడం.. వంటివి కచ్చితంగా పాటిస్తున్నాం.. మరి, మనం ఇంట్లో పదే పదే తాకే వస్తువుల సంగతేంటి? మనం బయటికెళ్లినా అవి ఇంట్లోనే ఉంటున్నాయి కదా.. అంటారా? అయినా సరే.. వాటిని రోజూ శుభ్రం చేయాల్సిందే అంటున్నారు నిపుణులు. తద్వారా వాటిపై చేరే వైరస్‌, బ్యాక్టీరియా, క్రిములు ఒకరి నుంచి మరొకరికి అంటుకోకుండా జాగ్రత్తపడచ్చు. ఇంతకీ మనం ఇంట్లో తరచూ తాకే ప్రదేశాలు, వస్తువులేంటి? వాటిని ఎలా శానిటైజ్‌ చేయాలి? రండి తెలుసుకుందాం..!

తరువాయి

అందుకే టవల్స్ విషయంలోనూ శుభ్రంగా ఉండాల్సిందే!

ఉదయం నిద్ర లేచింది మొదలు.. రాత్రి నిద్రపోయే వరకు రోజులో ఎన్నోసార్లు ముఖాన్ని, చేతుల్ని కడుక్కుంటూ ఉంటాం. ఇలా కడిగిన ప్రతిసారీ కచ్చితంగా టవల్‌తో తుడుచుకోవాల్సిందే. ఇలా మనకు తెలియకుండానే రోజులో చాలాసార్లు టవల్‌ను వాడుతూనే ఉంటాం. మరి, మీరు నిత్యం ఉపయోగించే ఈ టవళ్లు బ్యాక్టీరియాలకు మంచి ఆవాసాలనే విషయం మీకు తెలుసా? కరోనా విలయ తాండవం చేస్తున్న నేపథ్యంలో - ప్రతి రోజూ మీరు ఉపయోగించే టవల్ విషయంలో ఎంతవరకు జాగ్రత్త వహిస్తున్నారు? ఇంతకీ టవళ్లను ఎప్పటికప్పుడు శుభ్రం చేసుకోకపోతే కలిగే నష్టాలేంటి..? వీటిని అధిగమించడానికి ఎలాంటి జాగ్రత్తలు తీసుకోవాలి?.. రండి తెలుసుకుందాం..

తరువాయి

మాడ్యులర్ కిచెన్ ఎలా ఉండాలంటే..

కొత్త ట్రెండ్స్ కేవలం ఫ్యాషన్‌కు మాత్రమే పరిమితం అనుకుంటే పొరపాటే. మనం కొత్తగా సిద్ధమవ్వడమే కాదు.. మన ఇంటినీ కొంగొత్త ఇంటీరియర్స్‌తో సరికొత్తగా మార్చేయవచ్చు. అందులోనూ.. ప్రస్తుతం మహిళలందరూ మారుతున్న ట్రెండ్స్‌కు అనుగుణంగా తమ ఇంటిని ట్రెండీగా, స్త్టెలిష్‌గా తీర్చిదిద్దుకోవాలని భావిస్తున్నారు కూడా.. ఈ నేపథ్యంలో చాలామంది మాడ్యులర్ కిచెన్స్‌కు ఓటేస్తున్నారు. అయితే వీటి నిర్మాణ క్రమంలో కొన్ని ముఖ్యమైన అంశాలు దృష్టిలో పెట్టుకుంటేనే వంటగది సౌకర్యవంతంగా నిర్మించుకోవడానికి అవకాశం ఉంటుందంటున్నారు ఇంటీరియర్ నిపుణులు. మరి, ఆ అంశాలేంటో మనమూ తెలుసుకుందాం రండి..

తరువాయి

కరోనా వేళ నగల్ని కూడా ఇలా శానిటైజ్ చేయాల్సిందేనట!

కరోనా కేసులు క్రమంగా తగ్గుతున్నంత మాత్రాన వైరస్‌ పీడ విరగడైంది అనుకోవడానికి లేదు.. ఎందుకంటే ఈ మాయదారి మహమ్మారి ఎప్పుడెలా విరుచుకుపడుతుందో ఎవరికీ అంతు చిక్కట్లేదు. అందుకే కొవిడ్‌ తగ్గుముఖం పట్టినా, టీకా వేసుకున్నా కనీస జాగ్రత్తలు పాటించాల్సిందే అని నిపుణులు పదే పదే చెబుతున్నారు. ఇక బయటి నుంచి తెచ్చిన ప్రతి వస్తువునూ శానిటైజ్‌ చేయాల్సిందే అంటున్నారు. మనం రోజూ ధరించే వివిధ రకాల ఆభరణాలూ ఇందుకు మినహాయింపు కాదంటున్నారు. ఎందుకంటే కరోనా వైరస్‌ లోహాలపై మూడు గంటల నుంచి మూడు రోజుల దాకా జీవించి ఉంటుందని సెంటర్స్‌ ఫర్‌ డిసీజ్‌ కంట్రోల్‌ అండ్‌ ప్రివెన్షన్‌ (సీడీసీ) సంస్థ చెబుతోంది. ఈ నేపథ్యంలో మనం రోజూ ధరించే ఆభరణాలను ఎలా శానిటైజ్‌ చేయాలో తెలుసుకుందాం రండి..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


వర్క్‌ & లైఫ్

మరిన్ని

సూపర్‌ విమెన్

మరిన్ని