కాసులు పండించే ‘ఎవర్‌గ్రీన్‌’వ్యాపారాలివి! - start your own business in these evergreen fields in telugu
close
Published : 23/08/2021 16:32 IST

కాసులు పండించే ‘ఎవర్‌గ్రీన్‌’వ్యాపారాలివి!

కరోనా ఏమో కానీ సాధన ఉద్యోగం పోయింది. అయితే సొంతంగా ఏదైనా వ్యాపారం ప్రారంభించాలనేది ఆమె కల. అందుకు ఇదే సరైన సమయమనుకొని ప్రస్తుతం అదే ప్రయత్నంలో ఉందామె.

మేఘన తన వ్యాపార పెట్టుబడి కోసం ఉద్యోగం చేస్తోంది. అయితే కావాల్సిన డబ్బు పోగవడంతో త్వరలోనే రాజీనామా చేసి వ్యాపారం ప్రారంభించాలన్న ఆలోచనలో ఉంది.

కరోనా కారణంగా మన దేశంలో నిరుద్యోగం పెరిగిపోయింది. ‘సెంటర్‌ ఫర్‌ మానిటరింగ్‌ ఇండియన్‌ ఎకానమీ (CMIE)’ విడుదల చేసిన గణాంకాల ప్రకారం.. కరోనా ముందు వరకు 14.8 శాతం ఉన్న నిరుద్యోగ రేటు ప్రస్తుతం 23.5 శాతానికి చేరుకుంది. ఇలాంటి ప్రతికూల పరిస్థితుల్లో ఉద్యోగం వెతుక్కోవడానికి బదులు.. ఏదైనా వ్యాపారం చేసుకోవడం మంచిదన్న ఆలోచనలో కొంతమంది ఉన్నారు. మరికొందరేమో.. తాము ఎప్పట్నుంచో అనుకుంటోన్న వ్యాపార లక్ష్యాలకు ఇప్పుడు పదును పెడుతున్నారు. మరి, మీరూ ఇదే ఆలోచనలో ఉన్నారా? అయితే ప్రతికూల పరిస్థితుల్లోనూ తమ హవా కొనసాగించే ఇలాంటి కొన్ని ఎవర్‌గ్రీన్‌ బిజినెస్‌ వెంచర్స్‌పై దృష్టి పెట్టమంటున్నారు నిపుణులు.

డెలివరీ చేయగలరా?

ఈ కరోనా కాలంలో సరుకు రవాణా సంస్థలకు గిరాకీ బాగా పెరిగిందని చెప్పచ్చు. ఆన్‌లైన్‌లో ఆర్డరివ్వడం, తాము కోరుకున్న చోటికి కావాల్సిన వస్తువులు, ఆహార పదార్థాల్ని తెప్పించుకోవడంతో.. నేరుగా షాపుకెళ్లి కొనే వారి కంటే ఇంటి వద్దకే డెలివరీ చేయించుకునే వారే పెరిగిపోయారు. నిజానికి ప్రస్తుత ప్రతికూల పరిస్థితుల్లోనూ లాభాల బాట పట్టిన అతి తక్కువ వ్యాపారాల్లో ఈ డెలివరీ సర్వీసెస్‌ కూడా ఒకటని చెప్పచ్చు. మరి, మీకు వ్యాపారం చేయాలన్న ఆలోచన ఉంటే ఇదే రంగాన్ని ఎంచుకోవచ్చు.. ఈ క్రమంలో మీరు సొంతంగా ఆయా వస్తువుల్ని రవాణా చేయడంతో పాటు పెద్ద పెద్ద ఈ-కామర్స్‌ సంస్థలతోనూ అనుసంధానం కావచ్చు. ఇందుకోసం పురుషుల్నే కాకుండా మహిళల్నీ నియమించుకుంటే.. వారికీ ఉపాధి కల్పించిన వారవుతారు. పైగా ఎలాంటి ప్రతికూల పరిస్థితులొచ్చినా ఈ వ్యాపారం కొనసాగుతూనే ఉంటుందని, తద్వారా బోలెడంత డబ్బూ ఆర్జించవచ్చని ఈ కరోనా కాలంలో నిరూపితమైంది కూడా! మరెందుకాలస్యం.. లెట్స్‌ ప్రొసీడ్‌!

నైపుణ్యాలు పంచుకోండి!

మీకు ఆరోగ్యంపై శ్రద్ధ ఎక్కువా? ఫిట్‌నెస్‌కు ఎక్కువ ప్రాధాన్యమిస్తారా? మానసిక సమస్యల్ని పరిష్కరించే నైపుణ్యాలు మీలో ఉన్నాయా? ఇలా సంపూర్ణ ఆరోగ్యం విషయంలో తలెత్తే సందేహాల్ని నివృత్తి చేయగలరా? అయితే అదే మీ బిజినెస్‌ ఐడియా! ప్రస్తుత ప్రతికూల పరిస్థితుల్లో అందరూ ఆరోగ్యంపై దృష్టి సారిస్తున్నారు. ఇప్పటిదాకా నిర్లక్ష్యం చేసిన అనారోగ్యాలపై శ్రద్ధ పెడుతూ వాటి నుంచి విముక్తి పొందడానికి ప్రయత్నిస్తున్నారు. ఇలాంటి తరుణంలో మీలో ఉన్న నైపుణ్యాల్ని బట్టి ‘హెల్త్‌ ఎక్స్‌పర్ట్‌ అడ్వైజర్‌’గా మారారంటే ఇక మీకు తిరుగుండదు. ఇందుకోసం మీరు సోషల్‌ మీడియా పేజీల్ని/సొంతంగా యాప్స్‌/వెబ్‌సైట్స్‌ని క్రియేట్‌ చేసుకోవచ్చు. లేదంటే ఇది వరకే ఉన్న నిపుణుల కమ్యూనిటీలో చేరచ్చు. ఒకవేళ మీరే సొంతంగా ఈ వ్యాపారం ప్రారంభిస్తే.. బ్యూటీ/ఫ్యాషన్‌.. వంటి విభిన్న రంగాల్లో సలహాలిచ్చే అడ్వైజర్స్‌ని మీ కంపెనీలో చేర్చుకొని మీ వ్యాపారాన్ని మరింతగా విస్తరించుకోవచ్చు. ఏదేమైనా.. మీరిచ్చే సలహాలు అవతలి వారి సమస్యల్ని పరిష్కరించేందుకు ఎంత వరకు ఉపయోగపడుతున్నాయన్న దాన్ని బట్టే మీకు ఆదరణ పెరుగుతుంది.

క్లీన్‌ అండ్‌ గ్రీన్‌గా!

కరోనా రాకతో క్లీన్‌ అండ్‌ గ్రీన్‌ సూత్రాన్ని పాటిస్తున్నారంతా! అంటే.. ఇంట్లోని ప్రతి వస్తువును శుభ్రం చేసుకోవడం, పరిసరాలను నీట్‌గా ఉంచడం.. వంటివి చేస్తున్నారు. అయితే ఇది ఎవరికి వారు చేసుకోవచ్చు. మరి, అదే.. పెద్ద పెద్ద భవనాలు, ఆఫీసులు, అపార్ట్‌మెంట్స్‌.. వంటివి క్రిమి రహితం చేయాల్సి వస్తే.. అందుకు అందరూ సంప్రదించేది ‘కమర్షియల్‌ క్లీనింగ్‌ సర్వీసెస్‌’నే! పరిశుభ్రతకు పెద్ద పీట వేస్తోన్న ప్రస్తుత తరుణంలో ఇదీ ఓ చక్కటి బిజినెస్‌ ఐడియానే అంటున్నారు నిపుణులు. అయితే ‘పారిశుద్ధ్యమా.. మేమా?’ అని నామోషీగా ఫీలవకుండా ముందుకెళ్తే ఈ వ్యాపారం కాసులు పండిస్తుందంటున్నారు. ఈ క్రమంలో మీరు కొనే మెషినరీ కోసం ముందే తగిన డబ్బు పోగేసుకోవడం, నాణ్యమైన వాటినే కొనుగోలు చేయడం వల్ల వ్యాపారంలో త్వరలోనే పుంజుకునే అవకాశం ఉంటుంది. అలాగే మీ వద్ద పనిచేసే ఉద్యోగులు తగిన నాణ్యతా ప్రమాణాలు, కనీస జాగ్రత్తలు పాటించేలా చూడడమూ మీ బాధ్యతే!

వ్యాపారాలకు వారధిగా మారచ్చు!

టెక్నాలజీ అభివృద్ధి చెందుతోన్న ఈ కాలంలో ఏదైనా వస్తువును అమ్మాలన్నా, ఒక వ్యాపారాన్ని ప్రమోట్‌ చేయాలన్నా.. అంతా సోషల్‌ మీడియా ద్వారానే క్షణాల్లో జరిగిపోతోంది. పైగా సోషల్‌ మీడియా మేనేజ్‌మెంట్‌కి ప్రస్తుతం ఆదరణ కూడా విపరీతంగా ఉంది. అందుకే మీకు ఆసక్తి ఉంటే.. ఇలా ఇతరుల వ్యాపారాల్ని/ఉత్పత్తుల్ని ప్రమోట్‌ చేసే/మేనేజ్‌ చేసే వారధిగానూ మీరు మార్చంటున్నారు నిపుణులు. ఈ నేపథ్యంలోనే ఓ ‘సోషల్‌ మీడియా మేనేజ్‌మెంట్‌ కంపెనీ’ని ప్రారంభించమంటున్నారు. ఈ ఐడియా వినడానికి బాగానే ఉంటుంది కానీ.. అమలు చేయడమే కష్టం. ఎందుకంటే ఈ క్రమంలో మీరు రిక్రూట్‌ చేసుకునే సోషల్‌ మీడియా మేనేజర్స్‌కు.. కంటెంట్‌ క్రియేషన్‌, గ్రాఫిక్‌ డిజైనింగ్‌, వీడియోలు రూపొందించడం.. వంటి ఎన్నో అంశాలపై మంచి పట్టుండాలి.. అది జరగాలంటే వాళ్లకు ఎక్కువ మొత్తంలో జీతాలివ్వడానికీ వెనకాడకూడదు.. అలాగే మీ కంపెనీని ప్రమోట్‌ చేసుకోవడమూ ముఖ్యమే! ఇవన్నీ సఫలం కావాలంటే.. మీ దగ్గర ఎక్కువ మొత్తంలో పెట్టుబడి ఉండాలి. అలాగని మొదట్లోనే ఎక్కువ మొత్తంలో లాభాలు ఆశించకుండా కాస్త ఓపిక వహిస్తే.. ఇక భవిష్యత్తులో మీరే ఇతర కంపెనీలకు పోటీదారు కావచ్చు!

వీటితో పాటు ఆటల్లో పట్టుంటే స్పోర్ట్స్‌ కోచ్‌గా, బ్యూటీ/ఫ్యాషన్‌/వంటల్లో నైపుణ్యాలుంటే.. వాటినే మీ వ్యాపార మార్గాలుగా మలచుకొని రాణించచ్చు. అయితే ఏ వ్యాపారం ప్రారంభించినా.. ఆశించిన ఫలితాలు రావాలంటే కొంత సమయం పడుతుంది.. ఈ క్రమంలో సవాళ్లు ఎదురైనా సానుకూల దృక్పథంతో ముందుకు సాగితే మంచి భవిష్యత్తు మీ సొంతమవుతుంది.

మరి, మీ బిజినెస్‌ ఐడియాలేంటి? మీకు తెలిసిన వ్యాపార సూత్రాలేంటి? మాతో పంచుకోండి!



మరిన్ని

వీటితో పిల్లలకు పాలివ్వడం ఎంతో సులువు!

పసి పిల్లలకు ఆరు నెలలు అంతకుమించి ఏడాది వరకు తల్లిపాలు పట్టడం తప్పనిసరి అంటూ నిపుణులు చెప్పడం మనకు తెలిసిందే. అయితే ఇటు కుటుంబంతో పాటు అటు వృత్తి ఉద్యోగాలకూ సమప్రాధాన్యమిచ్చే అమ్మలున్న ఈ రోజుల్లో ఏడాది వరకు బిడ్డకు తానే నేరుగా పాలివ్వడం అంటే అది కాస్త కష్టమనే చెప్పుకోవాలి. అలాగని బిడ్డలను అలా వదిలేసి తల్లులూ తమ వృత్తిపై దృష్టి పెట్టలేరు. అందుకే అటు నేటి తల్లుల బ్రెస్ట్‌ఫీడింగ్ పనిని సులభతరం చేస్తూ, ఇటు పిల్లలకు తల్లిపాలు అందుబాటులో ఉండేలా చేసేందుకు వివిధ రకాల బ్రెస్ట్‌ఫీడింగ్ గ్యాడ్జెట్లు ప్రస్తుతం మార్కెట్లోకొచ్చేశాయి.

తరువాయి

సైజ్‌ జీరో కాదు.. ఆరోగ్యం ముఖ్యం!

‘మనసులో కలిగే ఆలోచనల్నే శరీరం ప్రతిబింబిస్తుంది..’ అంటోంది ఫిట్‌నెస్‌ ఫ్రీక్‌ అంకితా కొన్వర్‌. సైజ్‌ జీరో గురించి ఆలోచిస్తూ బాధపడితే మరింత బరువు పెరుగుతామని, అదే ఆరోగ్యంపై దృష్టి పెడితే శరీరం, మనసు రెండూ మన అధీనంలో ఉంటాయని చెబుతోంది. ఆరోగ్యం, ఫిట్‌నెస్‌పై ఎక్కువ శ్రద్ధ పెడుతూ.. ఆ చిట్కాల్ని సోషల్‌ మీడియాలో పంచుకుంటూ అందరిలో స్ఫూర్తి నింపే ఈ మిసెస్‌ సోమన్‌.. తాజాగా బాడీ పాజిటివిటీ గురించి ఇన్‌స్టాలో మరో స్ఫూర్తిదాయక పోస్ట్‌ పెట్టింది. సైజ్‌ జీరో కంటే ఆరోగ్యమే ముఖ్యమంటూ ఆమె షేర్‌ చేసిన పోస్ట్‌ ప్రస్తుతం సామాజిక మాధ్యమాల్లో వైరల్‌గా మారింది.

తరువాయి

ఆఫీసులో కోపం కట్టలు తెంచుకుంటోందా? ఇలా చేసి చూడండి..!

ఉద్యోగినులకు ఇటు ఇంటి పనులు, అటు ఆఫీస్‌ ఒత్తిళ్లు సర్వసాధారణమే అయినా.. కొంతమంది వీటిని అదుపు చేసుకోలేక ఒక్కోసారి పని ప్రదేశంలోనే ఎదుటివారిపై విరుచుకుపడుతుంటారు. దీన్నే ‘వర్క్‌ప్లేస్‌ బర్నవుట్’గా పేర్కొంటున్నారు నిపుణులు. నిజానికి ఇలాంటి దీర్ఘకాలిక ఒత్తిడి ఆరోగ్యానికే కాదు.. కెరీర్ పైనా ప్రతికూల ప్రభావం చూపే అవకాశాలు ఎక్కువగానే ఉన్నాయంటున్నారు. అందుకే దీన్ని ఆదిలోనే గుర్తించి మేనేజ్‌ చేసుకోగలిగితే దీనివల్ల కెరీర్‌పై మచ్చ పడకుండా జాగ్రత్తపడచ్చంటున్నారు. మరి, అదెలాగో తెలుసుకుందాం రండి..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


'స్వీట్' హోం

మరిన్ని

సూపర్‌ విమెన్

మరిన్ని