మా ఓటమికి ఈసీనే కారణం
close

తాజావార్తలు


మా ఓటమికి ఈసీనే కారణం
పాలకపార్టీకి వత్తాసు పలికారు
కరుణానిధి ఆరోపణ
చెన్నై: ఎన్నికల సంఘం నయవంచక వైఖరి, పాలకపార్టీకి వారు వత్తాసు పలికిన కారణాల వల్లే డీఎంకే ఓటమిపోయిందని ఆ పార్టీ అధ్యక్షుడు కరుణానిధి మండిపడ్డారు. ఎన్నికలసంఘం పూర్తిగా అన్నాడీఎంకేకు సహకరించినందువల్లే తాము విజయానికి దూరమయ్యామని అన్నారు. ఈ విషయమై కరుణానిధి ఓ ఆంగ్లపత్రికకు ఇచ్చిన ఇంటర్వ్యూలో.. ఎన్నికల కోడ్‌ అమలైన రోజు నుంచే ఈసీ పాలకపార్టీ పక్షానే నిలిచిందన్నారు. ముగ్గురు మంత్రులతో సంబంధాలున్న అన్బునాథన్‌ ఇల్లు, గోదాము నుంచి కోట్లాది రూపాయలు స్వాధీనం చేసుకున్నప్పటికీ దానికి సంబంధించి తదుపరి చర్యలు ఏవీ తీసుకోలేదని ఆరోపించారు. ఇక సిరుదావూర్‌ బంగ్లా నుంచి రూ.570 కోట్ల నగదున్న కంటైనర్‌ లారీలు వచ్చినట్లు వచ్చిన ఫొటోలు అందర్నీ ఆశ్చర్యపరిచాయని అన్నారు. కానీ దానికి సంబంధించి కూడా ఎలాంటి విచారణ జరిపించలేదన్నారు. ఎప్పుడూ లేని విధంగా రూ.100 కోట్ల నగదును ఎన్నికల సంఘం స్వాధీనం చేసుకుందని అయినప్పటికీ సదరు వ్యక్తులపై చర్యలు తీసుకోలేదన్నారు. కానీ వాటన్నిటినీ మించి డీఎంకే ఎక్కువ స్థానాల్లో విజయకేతనం ఎగురవేసిందన్నారు. రెండు నియోజకవర్గాల్లో తమ పార్టీ కేవలం 100 ఓట్ల వ్యత్యాసంతో ఓడిపోయిందని అన్నారు. 1000 ఓట్ల తేడాతో ఎనిమిది స్థానాలు, 5,000 ఓట్లతో 21 స్థానాల్లో ఓడిపోయామన్నారు. 172 నియోజకవర్గాల్లో అన్నాడీఎంకేను డీఎంకే ఎదుర్కొందన్నారు. వాటిలో డీఎంకే 89 స్థానాల్లో విజయబావుటా ఎగురవేసిందన్నారు. అన్నాడీఎంకే రెండు ప్రాంతాల్లో డిపాజిట్‌ కూడా సొంతం చేసుకోలేకపోయిందన్నారు. ఇటీవల జరిగిన పదవీ ప్రమాణ కార్యక్రమంలో స్టాలిన్‌కు సముచిత చోటు కల్పించకపోవడం బాధాకరమన్నారు. గతంలో కూడా డీఎంకే ప్రధాన కార్యదర్శి అన్బళగన్‌కు కూడా ఇలాంటి పరిస్థితే తలెత్తిందన్నారు. కానీ ఆ తర్వాత ఏదో కుంటిసాకులు చెబుతూ జయలలిత తప్పించుకుంటున్నారని ఆరోపించారు.
FileName

  • FileName
మరిన్ని
FileName
FileName

  • FileName
మరిన్ని
FileName

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని
జిల్లా వార్తలు

దేవ‌తార్చ‌న

రుచులు

© 1999- 2016 Ushodaya Enterprises Pvt.Ltd,All rights reserved.
Designed & Developed by Eenadu WebHouse
For Digital Marketing enquiries Contact : 9000180611, 040 - 23318181 eMail :marketing @eenadu.net
Best Viewed In Latest Browsers

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.