తాజా వార్తలు

Facebook Share Twitter Share Comments Telegram Share
Omicron: కొత్త వేరియంట్‌ లక్షణాలు తక్కువే.. అలా అనీ..!

స్పందించిన ప్రముఖ వైద్య నిపుణుడు ఫౌచీ

వాషింగ్టన్‌: కరోనా కొత్త వేరియంట్ ఒమిక్రాన్.. డెల్టా వేరియంట్ కంటే స్వల్ప లక్షణాలు కలిగిఉన్నట్లు తెలుస్తోంది. ప్రారంభ నివేదికలను బట్టి ఈ విషయం వెల్లడవుతోందని అమెరికాకు చెందిన ప్రముఖ వైద్యనిపుణుడు ఆంటోనీ ఫౌచీ అభిప్రాయపడ్డారు. ఈ సంకేతాలు ఊరటనిస్తున్నాయన్నారు. దక్షిణాఫ్రికాలో వెలుగుచూసిన ఈ వేరియంట్ అక్కడ వేగంగా వ్యాప్తి చెందుతోంది. అయితే ఆసుపత్రుల్లో చేరిక మాత్రం ఆందోళన కలిగించే స్థాయిలో లేదని గణాంకాలు వెల్లడిస్తున్నాయి. ఇప్పుడు ప్రపంచమంతా కొత్త వేరియంట్ ప్రారంభ దశలో ఉంది. ఈ సమయంలో వెలుగులోకి వచ్చిన సమాచారం ఆధారంగా వైరస్ తీవ్రతపై ఒక అంచనాకు రావడంపై ఫౌచీ హెచ్చరికలు చేశారు.

‘ఇప్పటివరకైతే.. ఈ వేరియంట్ వల్ల తీవ్రస్థాయిలో లక్షణాలు కనిపించడం లేదు. అయితే ఈ వేరియంట్ అంత తీవ్రమైందేమీ కాదని లేక డెల్టా  కంటే స్వల్ప లక్షణాలనే చూపుతుందని ఒక తీర్మానం చేసేముందు మనం చాలా జాగ్రత్తగా వ్యవహరించాలి’ అని వైద్య నిపుణులను ఉద్దేశించి ఫౌచీ ఓ మీడియా సంస్థతో మాట్లాడారు. దక్షిణాఫ్రికా ఈ కొత్త వేరియంట్‌పై ప్రపంచాన్ని అప్రమత్తం చేయగానే.. అక్కడి నుంచి రాకపోకలు సాగించేవారిపై పలు దేశాలు ఆంక్షలు విధించాయి. ఈ తీరును ఐరాస జనరల్ సెక్రటరీ ఆంటోనియో గుటెరస్ ఖండించారు. ఇది పారదర్శతను దెబ్బతీస్తుందని పలువురు అసంతృప్తి వ్యక్తం చేశారు. దీనిపై ఫౌచీ స్పందిస్తూ.. తమ దేశం ఆ నిషేధాన్ని సరైన సమయంలో ఎత్తివేస్తుందని ఆశిస్తున్నానన్నారు.


మరిన్ని

దేవ‌తార్చ‌న

+

© 1999- 2022 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

For Editorial Feedback - eMail: infonet@eenadu.net
For Digital Marketing enquiries Contact : 040 -
23318181 eMail :marketing@eenadu.net
Best Viewed In Latest Browsers
Terms & Conditions   |   Privacy Policy
Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.