ఫోన్‌లో హలో బదులు.. వందేమాతరం అందాం

ప్రచారం ప్రారంభించిన మహారాష్ట్ర ప్రభుత్వం

ముంబయి: ప్రజల్లో జాతీయతా భావాన్ని పెంపొందించేలా మహారాష్ట్ర ప్రభుత్వం సరికొత్త ప్రచారానికి శ్రీకారం చుట్టింది. ఫోన్‌కాల్స్‌ వచ్చినప్పుడు అవతలి వ్యక్తిని పలకరించడానికి ప్రతిఒక్కరూ వాడే ‘హలో’కు బదులుగా ఇకపై ‘వందేమాతరం’ అనాలని ప్రజలకు విజ్ఞప్తి చేసింది. ఈ మేరకు ప్రభుత్వ అధికారులకు శనివారమే ఓ తీర్మానం జారీ చేసిన శిందే సర్కారు.. ఇది తప్పనిసరేం కాదని, వివిధ ప్రభుత్వ శాఖల్లోని అధిపతులు తమ సిబ్బందిని ‘వందేమాతరం’ అనేలా ప్రోత్సహించాలని కోరింది. దీనిపై ప్రజల్లోనూ అవగాహన కల్పించేందుకు ఆదివారం ప్రచారం మొదలుపెట్టింది. ఈ కార్యక్రమాన్ని మహాత్మాగాంధీ జయంతి సందర్భంగా వార్ధాలో మహారాష్ట్ర సాంస్కృతిక వ్యవహారాలశాఖ మంత్రి సుధీర్‌ ముంగంటివార్‌ ప్రారంభించి ర్యాలీలో మాట్లాడారు. మహారాష్ట్ర ఏర్పాటులో కీలక భూమిక పోషించిన 850 మంది ముఖ్య వ్యక్తులపై రాష్ట్ర ప్రభుత్వం ఆడియో బుక్‌ రూపొందించనుందని వెల్లడించారు.


మరిన్ని

ap-districts
ts-districts

సుఖీభవ

చదువు