close
Array ( [0] => stdClass Object ( [video_news_id] => 120070017 [video_srlno] => 1 [video_type] => 5 [video_link] => CANboKdFVR3 [video_short_link] => CANboKdFVR3 [created_by] => 8923881 [created_date] => 2020-05-30 10:17:05.278348 [modified_by] => [modified_date] => [display_status] => 1 [video_isdeleted] => ) ) 1

తాజా వార్తలు

Published : 30/05/2020 10:36 IST
Facebook Share Twitter Share WhatsApp Share Telegram Share

సినిమా చూసి నటి కావాలనుకున్నా: నిధి అగర్వాల్‌

బ్యూటీ సీక్రెట్‌ షేర్‌ చేసిన నటి

హైదరాబాద్‌: వేరే రంగంలో స్థిరపడాలనుకుని అనుకోకుండా సినీ పరిశ్రమలోకి వచ్చిన ఎంతో మంది నటీనటులను చూశాం. కానీ నిధి అగర్వాల్ మాత్రం అలా కాదట.. చిన్నప్పటి నుంచే వెండితెరపై సందడి చేయాలనే కల ఉండేదట. అందుకు అనుగుణంగానే మోడలింగ్‌ రంగంలోకి వచ్చి అక్కడి నుంచి ఇండస్ట్రీలోకి అడుగుపెట్టానని ఈ ఇస్మార్ట్‌భామ వెల్లడించారు. లాక్‌డౌన్‌ కారణంగా షూటింగ్స్‌ మిస్‌ అవుతున్న నిధి అగర్వాల్‌ తాజాగా ఓ ఇంటర్వ్యూలో తన వ్యక్తిగత విషయాలను వెల్లడించారు.

‘చిన్నప్పుడు మొదటిసారి సినిమా చూసినప్పుడు నాకెంతో ఆనందంగా అనిపించింది. ఆ సమయంలోనే నటి కావాలని ఫిక్స్‌ అయ్యాను. ఆ కలను సాకారం చేసుకోవడానికి ఏం చేయాలో అవగాహన కూడా నాకు లేదు. సినీ పరిశ్రమలో తెలిసిన వాళ్లు కూడా లేరు. కాకపోతే ఆ కలను సాకారం చేసుకునేందుకు మోడలింగ్‌లోకి అడుగుపెట్టా. మోడలింగ్‌లో మంచి పేరు పొందిన తర్వాత బాలీవుడ్‌లో టైగర్‌ష్రాఫ్‌తో కలిసి నటించే అవకాశం వరించింది. కొంతకాలానికి దక్షిణాది చిత్రాల్లో ఆఫర్స్‌ వచ్చాయి’

‘నాగచైతన్య నటించిన ‘సవ్యసాచి’ చిత్రంతో తెలుగు ప్రేక్షకులకు పరిచయమయ్యాను. ఇటీవల పూరీజగన్నాథ్‌ దర్శకత్వంలో తెరకెక్కిన ‘ఇస్మార్ట్‌శంకర్‌’ చిత్రం మంచి హిట్‌ అందించింది. తెలుగు సినిమాలో నటించడం అద్భుతంగా ఉంది. ఈవిధంగా కొత్త భాషను నేర్చుకుంటున్నాను. అలాగే నా ప్రతిభను మరో ఇండస్ట్రీకి పరిచయం చేయగలిగాను. బెంగళూరులో ఉండడం వల్ల బాలీవుడ్‌తోపాటు దక్షిణాది సినిమాల్లో కూడా నటించాలనే కోరిక ముందు నుంచే ఉంది.’

‘లాక్‌డౌన్ కారణంగా కొంతకాలం నుంచి పబ్‌జీ గేమ్‌ ఆడుతున్నాను. శాకాహారిని అయినప్పటికీ ఇటీవల ఓ చికెన్‌ డిన్నర్‌ తిన్నాను(విన్నర్‌ విన్నర్‌ చికెన్‌ డిన్నర్‌). ఆన్‌లైన్‌ కోర్సులు చేస్తున్నా. తమిళం, తెలుగు మాట్లాడడం నేర్చుకుంటున్నా. అలాగే సినిమాలు, టీవీ షోలు చూస్తున్నా. బిజీగా ఉన్నప్పుడు ఏం చేయలేకపోయానో ఇప్పుడు అవన్నీ పూర్తి చేస్తున్నా’ 

‘నా శరీరాకృతిని చాలా మంది మెచ్చుకుంటున్నారు. ఆరోగ్యంగా ఉండేందుకు మంచి హెల్తీ ఫుడ్‌ తీసుకుంటాను. మంచినీళ్లు ఎక్కువగా తాగుతాను. రోగనిరోధక శక్తిని పెంచుకోవడం కోసం ప్రస్తుతం విటమిన్‌ సి అధికంగా ఉండే ఆహారాన్ని తింటున్నాను. మొదటి నుంచి నేను శాకాహారినే కావడం వల్ల ఆకుకూరలు, పండ్లు ఎక్కువగా తినడానికి ఆసక్తి చూపిస్తాను. ఉదయాన్నే టిఫిన్‌లో ఇడ్లీ, మధ్యాహ్నం లంచ్‌లో రైస్‌ తీసుకుంటాను. అలాగే ప్రతిరోజూ క్రమం తప్పకుండా వర్కౌట్లు చేస్తాను. లేకపోతే బరువు పెరిగే అవకాశం ఉంది.’ 

‘నా దృష్టిలో అందం అంటే చాలా సింపుల్‌గా కనిపించడమే. అందుకే నేను మేకప్‌పై ఎక్కువ శ్రద్ధ చూపించను. సాధారణమైన మేకప్‌ను మాత్రమే వాడతాను. వైద్యులు సూచించిన ఫేస్‌వాష్‌, Dior క్రీమ్‌, మాయిశ్చరైజర్‌ తప్పకుండా ఉపయోగిస్తాను’ అని నిధి అగర్వాల్‌ తెలిపారు.

నిధి కథానాయికగా తమిళంలోకి ఎంట్రీ ఇస్తున్న చిత్రం ‘భూమి’. లాక్‌డౌన్‌ తర్వాత ఈ సినిమా ప్రేక్షకులను అలరించనుంది. దీనితోపాటు ఆమె తెలుగులో గల్లా అశోక్‌ కథానాయకుడిగా తెరకెక్కుతున్న చిత్రంలో నటించాల్సి ఉంది.



Tags :

సినిమా

రాజకీయం

జనరల్‌

క్రైమ్

స్పోర్ట్స్

బిజినెస్‌

జాతీయ-అంతర్జాతీయ

జిల్లా వార్తలు
సినిమా
మరిన్ని

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.