close

తాజా వార్తలు

Published : 26/10/2020 23:15 IST
Facebook Share Twitter Share WhatsApp Share Telegram Share

కాంగ్రెస్‌ నుంచి మరిన్ని ఫిరాయింపులు : రూపానీ

అహ్మదాబాద్‌: కాంగ్రెస్‌ పార్టీ మునిగిపోయే పడవ అని గుజరాత్‌ సీఎం విజయ్‌ రూపానీ అన్నారు. నవంబర్‌ 3న రాష్ట్రంలో ఎనిమిది సీట్లకు ఉప ఎన్నికల తర్వాత ఆ పార్టీ నుంచి మరిన్ని ఫిరాయింపులు ఉంటాయని వ్యాఖ్యానించారు. సోమవారం ఆయన వల్సాద్‌ జిల్లా కప్రాడ నియోజవకర్గంలో భాజపా అభ్యర్థి జితు చౌధురికి మద్దతుగా ఎన్నికల ప్రచారం నిర్వహించారు. ఈ సందర్భంగా విజయ్‌ రూపానీ మాట్లాడుతూ.. దేశ వ్యాప్తంగా కాంగ్రెస్‌ పార్టీ విచ్ఛిన్నమవుతోందని, అది మునిగిపోయే పడవగా మారిందన్నారు. కార్యకర్తలకు సైతం ఆ పార్టీ నాయకత్వంపై విశ్వాసం ఉండటంలేదని విమర్శించారు. రాహుల్‌ గాంధీ సమర్థతపైనా ప్రశ్నలు వస్తున్నాయని, వారసత్వ రాజకీయాల నుంచి కార్యకర్తలు స్వేచ్ఛ కోరుకుంటున్నారని రూపానీ వ్యాఖ్యానించారు.

కాంగ్రెస్‌ పార్టీలో ఉండటం వల్ల నియోజకవర్గ ప్రజలకు ఏ పనీ చేయలేకపోతున్నామని ఎమ్మెల్యేలు ఆవేదన చెందుతున్నారని పేర్కొన్నారు. జితు చౌధురి కూడా తన నియోజకవర్గం అభివృద్ధి కోసమే భాజపాలోకి వచ్చి చేరారని తెలిపారు. 2017లో 13 మంది ఎమ్మెల్యేలు కాంగ్రెస్‌ను వీడగా.. 2018లో ఆరుగురు, తాజాగా ఎనిమిది మంది ఆ పార్టీకి గుడ్‌బై చెప్పారని వివరించారు. ఈ ఏడాది జూన్‌లో జరిగిన రాజ్యసభ ఎన్నికల నేపథ్యంలో ఎనిమిది మంది ఎమ్మెల్యేలు కాంగ్రెస్‌ నుంచి ఫిరాయింపులకు పాల్పడి భాజపా అభ్యర్థికి మద్దతు తెలిపారు. కాంగ్రెస్‌కు రాజీనామా చేయడంతో నవంబర్‌ 3న ఇక్కడ ఎనిమిది స్థానాలకు ఉప ఎన్నికలు జరుగున్నాయి.


Tags :

రాజకీయం

జనరల్‌

సినిమా

క్రైమ్

స్పోర్ట్స్

బిజినెస్‌

జాతీయ-అంతర్జాతీయ

జిల్లా వార్తలు

చిత్ర వార్తలు

సినిమా
మరిన్ని

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.