close

తాజా వార్తలు

Published : 19/05/2020 00:13 IST
Facebook Share Twitter Share WhatsApp Share Telegram Share

మనలా వేరే జీవులకూ జ్వరం వస్తుందా?

ప్రశ్న: మనుషులకు జ్వరం ఎందుకు వస్తుంది? మనుషులకు వచ్చినట్లే ఇతర జీవులకూ జ్వరం వస్తుందా?

- కె.సాయి శ్రీరామశరన్‌, 9వ తరగతి, పరంజ్యోతి స్కూల్‌, అమలాపురం

మనుషులకు జ్వరం రావడానికి కారణం... వారి రక్తంలో పైరోజన్స్‌ అనే రసాయనాలు ప్రవహిస్తూ మెదడులోని హైపోథాలమస్‌ను జేరతాయి. శరీర ఉష్ణోగ్రతను హైపోథాలమస్‌ అదుపు చేస్తూ ఉంటుంది. ఈ పైరోజన్స్‌ హైపోథాలమస్‌లోని కొన్ని గ్రాహకాలతో బంధం ఏర్పర్చుకోవడంతో, శరీర ఉష్ణోగ్రత పెరుగుతుంది. ఇదే జ్వరం.
* శరీరంలో రోగం, అనారోగ్యం లేదా మరే ఇతర కారణాలు ఏర్పడినప్పుడు ప్రతిస్పందనగా హైపోథాలమస్‌ శరీర ఉష్ణోగ్రతను పెంచుతుంది.
* సాధారణంగా జలుబు, అతిసారవ్యాధి లేదా చెవి, ఊపిరితిత్తులు, చర్మం, గొంతు, బ్లాడర్‌, మూత్రపిండాలు ఇన్‌ఫెక్షన్‌కు గురైనప్పుడు జ్వరం వస్తుంది.
* జ్వరం రావడం వల్ల రోగనిరోధక కణాలు రక్తనాళాల గోడల వెంబడి పాకి అనారోగ్యం కల్గజేసే సూక్ష్మజీవులతో పోరాటం చేస్తాయి.
* జ్వరం రోగం కాదు. జ్వరం రావడం వల్ల శరీరంలో ప్రవేశించిన బ్యాక్టీరియా, వైరస్‌లను రోగనిరోధక కణాలు చంపగల్గుతాయి.
* పిల్లలకు పాలిచ్చే జంతువులన్నింటికి జ్వరం వస్తుంది. శీతల రక్త జంతువులకు ఇన్‌ఫెక్షన్స్‌ వచ్చినప్పుడు వాటి శరీర ఉష్ణోగ్రత పెంచుకునేందుకు అవి వేడి ప్రాంతాలకు వెడతాయి. చేపలు, బల్లులు ఈ విధంగా చేస్తాయి.
* చిలుకలకు జ్వరం రావడం చాలా అరుదైన విషయం. చాల్‌మైడిక్‌ సిటాసి అనే ఒక ప్రత్యేక తరహ బ్యాక్టీరియా వల్ల చిలుకలకు జ్వరం వస్తుంది. చిలుకల జ్వరం అర్జెంటీనా, ఆస్ట్రేలియా, ఇంగ్లాండు దేశాల్లో వచ్చినట్లు ఆ దేశాలుతెలియజేశాయి.

- డాక్టర్‌ సి.వి.సర్వేశ్వరశర్మ, ప్రెసిడెంట్‌, కోనసీమ సైన్స్‌ పరిషత్‌, అమలాపురం


Tags :

బిజినెస్‌

రాజకీయం

జనరల్‌

సినిమా

క్రైమ్

స్పోర్ట్స్

జాతీయ-అంతర్జాతీయ

జిల్లా వార్తలు
మరిన్ని

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.