West Bengal: పార్టీ వీడి తప్పు చేశాను.. క్షమించండి

తాజా వార్తలు

Published : 02/06/2021 01:10 IST

West Bengal: పార్టీ వీడి తప్పు చేశాను.. క్షమించండి

మమతకు లేఖ రాసిన మరో మాజీ టీఎంసీ నేత


(Pic: dipendu biswas twitter)

కోల్‌కతా: పశ్చిమ్‌ బెంగాల్‌ అసెంబ్లీ ఎన్నికల ముందు తృణమూల్‌ కాంగ్రెస్‌(టీఎంసీ) పార్టీని వీడి భాజపాలో చేరిన పలువురు నేతలు మళ్లీ సొంతగూటికి చేరాలని భావిస్తున్నారు. ఇప్పటికే ముగ్గురు నేతలు తిరిగి టీఎంసీలో చేరడానికి సిద్ధంగా ఉన్నామంటూ ఆ పార్టీ అధినేత్రి మమతా బెనర్జీకి లేఖలు రాయగా.. ఆ జాబితాలో తాజాగా మరో నేత దీపేందు విశ్వాస్‌ కూడా చేరారు. పార్టీని వీడి తప్పు చేశానని, భాజపాలో చేరడం తన తప్పుడు నిర్ణయమని లేఖలో వాపోయారు. 

ఇటీవల పశ్చిమ్‌ బెంగాల్‌లో ఎనిమిది విడతల్లో ఎన్నికలు జరగగా భాజపాపై టీఎంసీ ఘన విజయం సాధించిన విషయం తెలిసిందే. ఎన్నికల ముందు భాజపాకు విజయావకాశాలు ఎక్కువగా ఉన్నట్లు భావించి కొందరు నేతలు టీఎంసీకి రాజీనామా చేసి అందులో చేరారు. కానీ, వారొకటి అనుకుంటే మరొకటి జరిగింది. దీంతో అధికారం దక్కించుకున్న టీఎంసీలో చేరడానికి ప్రయత్నాలు చేస్తున్నారు. ఈ క్రమంలోనే బసిరత్‌ దక్షిణ్‌ మాజీ ఎమ్మెల్యే దీపేందు బిశ్వాస్‌.. దీదీకి లేఖ రాశారు. ‘‘ఎన్నికల్లో నాకు సీటు కేటాయించకపోవడంతో నిరాశకు గురై భాజపాలో చేరాను. అది నా తప్పుడు నిర్ణయం. పార్టీ వీడి తప్పు చేశాను. క్షమించండి. తిరిగి టీఎంసీ పార్టీలో చేరే అవకాశం ఇవ్వండి. నా నియోజకవర్గం అభివృద్ధికి కృషి చేస్తాను’’ అని దీపేందు పేర్కొన్నారు.

అంతకుముందు టీఎంసీ మాజీ ఎమ్మెల్యే సోనాలి గుహ కూడా ‘‘దీదీ మీరు లేకుండా బతకలేను. పార్టీ వీడి తప్పు చేశా. క్షమించి.. తిరిగి పార్టీలోకి చేర్చుకోండి’’ అంటూ మమతకు లేఖ రాశారు. అలాగే, మాజీ టీఎంసీ నేతలు సరళ ముర్ము, అమోల్‌ ఆచార్య కూడా టీఎంసీలో చేరేందుకు సిద్ధంగా ఉన్నట్లు వెల్లడించారు. 


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని