కరెంట్‌ అఫైర్స్‌

మాదిరి ప్రశ్నలు

* ‘ది ఎకనామిస్ట్‌ ఎమ్‌బీఏ ర్యాంకింగ్‌ 2022’ జాబితాలో దేశంలో మొదటి స్థానం, ఆసియాలో 5వ స్థానం, ప్రపంచవ్యాప్తంగా 75వ స్థానంలో నిలిచిన ప్రముఖ విద్యాసంస్థ ఏది?
జ: ఇండియన్‌ స్కూల్‌ ఆఫ్‌ బిజినెస్‌ (ఐఎస్‌బీ), హైదరాబాద్‌

* 2022 సంవత్సరానికి గాను తెలంగాణ సారస్వత పరిషత్తు ప్రకటించిన పురస్కారాల్లో పద్య/గేయ కవితా ప్రక్రియలో పురస్కారం పొందిన ఉత్తమ గ్రంథం ఏది?
జ: తెలంగాణ రుబాయీలు (రచయిత - డాక్టర్‌ ఏనుగు నరసింహారెడ్డి)

* మహిళల సురక్షిత ప్రయాణమే లక్ష్యంగా తెలంగాణ ఆర్టీసీ అందుబాటులోకి తీసుకొచ్చిన వాట్సాప్‌ నంబరు?
జ: 94409 70000

* సౌరశక్తితో పనిచేసే ఇండోర్‌ కుకింగ్‌ స్టవ్‌ ‘సూర్య నూతన్‌’ను ఇటీవల ఏ సంస్థ తయారు చేసింది?
జ: ఇండియన్‌ ఆయిల్‌ కార్పొరేషన్‌ (ఐఓసీ)

* 29 కోట్ల ఏళ్లనాటి అడవి అవశేషాలను శాస్త్రవేత్తలు ఇటీవల ఏ దేశ దక్షిణ ప్రాంతంలో గుర్తించారు?
జ: బ్రెజిల్‌

* జాతీయ దర్యాప్తు సంస్థ (ఎన్‌ఐఏ) డైరెక్టర్‌ జనరల్‌గా ఎవరు నియమితులయ్యారు?
జ: దినకర్‌ గుప్తా

* సరోగసీ విధానంలో పిల్లల్ని కనాలనుకునే దంపతులు అద్దె గర్భాన్ని మోసే (సరోగేట్‌ మదర్‌) మహిళకు ఎంత కాలానికి జనరల్‌ హెల్త్‌ ఇన్సూరెన్స్‌ చేయించాలని కేంద్ర ప్రభుత్వం సరోగసీ (రెగ్యులేషన్‌) రూల్స్‌లో పొందుపరిచింది?
జ: మూడేళ్లు

* సాధారణ వ్యక్తులతో పోలిస్తే పొగ తాగేవారిలో ఎముకలు గుల్లబారి త్వరగా విరిగిపోయే అవకాశాలు ఎంత శాతం ఎక్కువని యూనివర్సిటీ ఆఫ్‌ నెవడా, లాస్‌వెగాస్‌ (యూఎన్‌ఎల్‌వీ)తన అధ్యయనంలో వెల్లడించింది?
జ: 37 శాతం