కొంచెం క్రిటికల్ అయిపోదాం!
‘సిట్యుయేషన్ క్రిటికల్గా ఉంది...’ అని ఎవరైనా అంటే అయ్యో అంటాం. కానీ క్రిటికల్ అన్నది అన్నివేళలా చెడ్డదేం కాదు! ముఖ్యంగా ఐటీలో ‘క్రిటికల్ రిసోర్స్’ అన్న పదానికి చాలా ప్రాముఖ్యం ఉంది.
‘సిట్యుయేషన్ క్రిటికల్గా ఉంది...’ అని ఎవరైనా అంటే అయ్యో అంటాం. కానీ క్రిటికల్ అన్నది అన్నివేళలా చెడ్డదేం కాదు! ముఖ్యంగా ఐటీలో ‘క్రిటికల్ రిసోర్స్’ అన్న పదానికి చాలా ప్రాముఖ్యం ఉంది.
ఏ సంస్థ అయినా సరే... విజయవంతంగా నడిచేందుకు అత్యంత ఆవశ్యకమైన మానవ వనరులను క్రిటికల్ రిసోర్స్ అంటున్నారు. చాలామంది విద్యార్థులు బాగా చదివి పెద్ద పెద్ద కంపెనీల్లో ఉద్యోగాలు పొందాలి అనుకుంటారు. ఆ సంస్థలు కూడా తమకు విధేయంగానూ పని పట్ల నిబద్ధతతోనూ పనిచేసేవారినే వెతుకుతుంటాయి. అందువల్ల చదువులు పూర్తిచేస్తున్నప్పుడు... ఉద్యోగ ప్రయత్నాలు మొదలు పెడుతున్నప్పుడే సంస్థలు ఏం కోరుకుంటాయో తెలుసుకుంటే విద్యార్థులు ఆ నైపుణ్యాలు పొందేందుకు ప్రయత్నించవచ్చు. తద్వారా ఆ సంస్థలో అత్యంత ఆవశ్యకమైన మానవవనరుగా ఎదగొచ్చు. అది సుస్థిరమైన కెరియర్కు బాటలు వేస్తుంది.
* ఇప్పటి అభ్యర్థులు చాలా తక్కువ సమయంలోనే ఉద్యోగంలో ఎదగాలని ఆశిస్తున్నారు. దానికి తగ్గట్టే క్రిటికల్ రిసోర్స్ అవ్వాలంటే ఏళ్లతరబడి అనుభవం ఉండాల్సిన అవసరం లేదు. సంస్థకు సంతృప్తినిచ్చే స్థాయిలో మనం పనిచేస్తే చాలు. ఇందుకు అలవరుచుకోవాల్సిన మూడు ముఖ్య లక్షణాలు..
1 ఏపని చేసినా మనం కాకపోతే ఈ పని ఇంకెవరూ ఇంత సమర్థంగా చేయలేరు అనిపించేలా చేయాలి. అలాగే బృందంలో ఉన్నప్పుడు మనకు ఇచ్చిన పని మాత్రమే చేస్తామని గిరిగీసుకుని కూర్చోవడం సరికాదు. దానికి అనుబంధంగా ఏ పని ఉన్నా అందుకుని చేయడం, ఇతరులకు సందేహాలు - సమస్యలు వచ్చినప్పుడు సాయపడటం ద్వారా పనిపై త్వరగా పట్టు సాధించడమే కాదు... కంపెనీలో మన స్థానాన్నీ సుస్థిరం చేసుకోగలం.
2 మనల్ని ఏ కారణం చేతనైనా తొలగిస్తే అంత త్వరగా మళ్లీ ఆ స్థానాన్ని సమర్థులతో భర్తీ చేయలేమనే భావన కల్పించగలగాలి. అది మన నైపుణ్యాలు, పనిలో చూపే వేగం, సహోద్యోగులతో నెరిపే మంచి సంబంధాలతో ముడిపడి ఉంటుంది. ఆ స్థానానికి మనమే ఉత్తమ ఎంపిక అనే అభిప్రాయాన్ని సంపాదించుకోవాలి.
3 సంస్థ సజావుగా నడిచేందుకు, ఎక్కడ ఏ సమస్య వచ్చినా పరిష్కరించేందుకు... వీరు మనకి కచ్చితంగా అవసరం అనే భావన యాజమాన్యానికి కల్పించడం మూడోది. లాభనష్టాల్లో వెన్నంటి ఉండటం, వ్యూహ రచనల్లో మన అభిప్రాయానికి విలువనిచ్చే స్థాయికి ఎదగడం చేయగలగాలి. సంస్థ మనల్ని కోల్పోకుండా జాగ్రత్తపడాలి. అప్పుడే విజయవంతంగా ఉద్యోగ జీవితాన్ని ఆస్వాదించగలం!
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
నన్ను హత్య చేసేందుకు కుట్ర: సీబీఐ మాజీ జేడీ లక్ష్మీనారాయణ
-
5 రోజుల వరుస లాభాలకు బ్రేక్.. 600 పాయింట్లు కోల్పోయిన సెన్సెక్స్
-
రవి కిషన్కు ఊరట.. డీఎన్ఏ టెస్టుకు కోర్టు నిరాకరణ
-
ప్రపంచకప్నకు టీమ్ ఇండియా... రోహిత్, విరాట్కి కాకుండా అతనికే ఎక్కువ ఓట్లు!
-
శ్రుతిహాసన్ అతడికి బ్రేకప్ చెప్పేశారా..?
-
ఎయిర్ గెశ్చర్స్తో రియల్మీ నుంచి బడ్జెట్ కొత్త ఫోన్