కరెంట్‌ అఫైర్స్‌

మాదిరి ప్రశ్నలు

పిన్‌ కోడ్‌ (పోస్టల్‌ ఇండెక్స్‌ నంబరు) వ్యవస్థ దేశంలో అమల్లోకి వచ్చి 2022, ఆగస్టు 15 నాటికి ఎన్నేళ్లు పూర్తయ్యాయి?

జ: 50 ఏళ్లు (1972, ఆగస్టు 15న దేశంలో పిన్‌కోడ్‌ వ్యవస్థను ప్రారంభించారు)

ఒలింపిక్స్‌-2024 ఎక్కడ జరగనుంది? 

జ: పారిస్‌, ఫ్రాన్స్‌

సౌర కుటుంబానికి ఆధారమైన సూర్యుడు ఎంత వయసు నాటికి మృత నక్షత్రంగా మారే అవకాశం ఉందని యూరోపియన్‌ స్పేస్‌ ఏజెన్సీకి చెందిన గయా స్పేస్‌ అబ్జర్వేటరీ ఇటీవల అంచనా వేసింది?

జ: 1.01 లక్షల కోట్ల సంవత్సరాలు (ప్రస్తుతం సూర్యుడి వయసు 457 కోట్ల ఏళ్లు)

స్వాతంత్య్ర అమృతోత్సవాల సందర్భంగా భారత్‌ సముద్ర గస్తీ మెరుగు పరుచుకునేందుకు ఏ దేశానికి డోర్నియర్‌ ఎయిర్‌ క్రాఫ్ట్‌ను బహుమతిగా అందించింది?  

జ: శ్రీలంక

ప్రపంచంలోనే అత్యంత శక్తిమంతమైన అయస్కాంతాన్ని ఇటీవల ఏ దేశ శాస్త్రవేత్తలు రూపొందించారు? 

జ: చైనా

2022 కామన్వెల్త్‌ క్రీడల్లో కొత్తగా ప్రవేశపెట్టిన క్రీడలు ఏవి?                          

జ: మహిళల టీ-20 క్రికెట్‌, పారా టేబుల్‌ టెన్నిస్‌, 3 X 3 బాస్కెట్‌ బాల్‌, 3 X 3 వీల్‌ ఛైర్‌ బాస్కెట్‌ బాల్‌

రైతుల పంటలకు కనీస మద్దతు ధర (ఎంఎస్‌పీ) లాంటి అంశాలపై సమీక్షకు కేంద్ర ప్రభుత్వం ఏర్పాటు చేసిన కమిటీకి ఎవరు అధ్యక్షత వహిస్తున్నారు?  

జ: వ్యవసాయ శాఖ మాజీ కార్యదర్శి సంజయ్‌ అగర్వాల్‌