సూపర్‌.. సెనగలు

శ్రావణమాసం అంటే నానబెట్టిన సెనగలే గుర్తుకొస్తాయి ఎవరికైనా? సెనగలే కదా అని వాటిని తేలిగ్గా తీసుకోవద్దు.. ఎందుకంటే పోషకాహార నిపుణులు వీటిని సూపర్‌ఫుడ్‌గా అభివర్ణిస్తారు మరి..

* జ్ఞాపకశక్తి, ఏకాగ్రత పెరగడానికి మంచి ఆహారం సెనగలు. వయసుతో పాటు వచ్చే డిమెన్షియా, ఆల్జీమర్స్‌ని కూడా ఈ సెనగలు నియంత్రిస్తాయి. కారణం.. శరీరంలోని హానికారక ఫ్రీరాడికల్స్‌ని అదుపుచేసే శక్తి వీటికి ఉంది.

* కొందరికి ముఖంపై తెల్లని మచ్చలు వస్తుంటాయి. నానబెట్టిన సెనగలని త్రిఫల చూర్ణంతో కలిపి తీసుకుంటే ప్రయోజనం ఉంటుంటుంది.

* సెనగల్లో బి6, జింక్‌ పుష్కలంగా ఉండటం వల్ల.. జుట్టు రాలిపోయే సమస్య అదుపులో ఉంటుంది. అలాగే చిన్నవయసులోనే జుట్టు తెల్లగా మారడాన్ని నిరోధిస్తాయి.

* ఫంగల్‌ ఇన్‌ఫెక్షన్ల కారణంగా వచ్చే తామర వంటి సమస్యల నుంచి ఉపశమనం పొందాలంటే.. నానబెట్టిన సెనగలు మంచి ఔషధం.

* ఇనుము, క్యాల్షియం లోపం రాకుండా చూసి కీళ్ల నొప్పుల నుంచి ఉపశమనం కలిగిస్తుంది.