ఇది పేదల టొమాటో!

టామరిల్లో.. గుబురుగా పెరిగే చిన్న చెట్టు. ఈ పండ్లు గుడ్డు ఆకారంలో ఉంటాయి. దీనికి ట్రీ టొమాటో, పేదల టొమాటో, టొమేట్‌ ఆండినో, టొమేట్‌ సెరానో, బ్లడ్‌ ఫ్రూట్‌, సచటోమేట్‌, బెరెంజెనా, చిల్టో, టొమామోరో.. ఇలా చాలానే పేర్లున్నాయి. ఇది న్యూజిలాండ్‌, నేపాల్‌, రువాండా, బురుండి, ఆస్ట్రేలియా, బూటాన్‌, దక్షిణాఫ్రికా, హాంగ్‌కాంగ్‌, అమెరికాల్లో విస్తారంగా పండుతుంది. మనదేశంలో నాగాలాండ్‌, మణిపుర్‌, డార్జిలింగ్‌, సిక్కిం ప్రాంతాల్లో అందుబాటులో ఉంటుంది. ఈ చెట్లు 5 మీటర్ల ఎత్తు వరకూ పెరుగుతాయి. పండ్లు ఎరుపు, పసుపు, నారింజ రంగుల్లో ఉంటాయి. ఎర్రటివి పుల్లగా, పసుపు, నారింజ రంగు పండ్లు తియ్యగా ఉంటాయి. విత్తనాలు అచ్చం దానిమ్మ గింజల్లా ఉంటాయి. వీటిల్లో ఐరన్‌, కాల్షియం, మెగ్నీషియం, ఎ,సి-విటమిన్లు ఉంటాయి.  ఈ పండ్ల గుజ్జును అలాగే తింటారు. లేదా టోస్ట్‌, సలాడ్‌లానూ తింటారు. జ్యూస్‌ కూడా చేస్తారు.