చూపునిచ్చే నల్లద్రాక్ష!

నిగనిగలాడే నల్లద్రాక్షలని చూస్తే నోరూరుతుంది కదా! చూడగానే చటుక్కున నోట్లో వేసుకోకుండా మనల్ని మనం నియంత్రించుకోవడం కష్టమే!. ఇవి రుచిలోనే కాదు పోషకాల్లోనూ ప్రత్యేకమైనవే...

* నల్లద్రాక్షలోని లూటిన్‌, జియాంతిన్‌ అనే కెరోటినాయిడ్లు రెటీనాకి రక్షణ కవచంలా నిలిచి అంధత్వం రాకుండా కాపాడతాయట. ఇవి లభించే రోజుల్లో విరివిగా తినడం మంచిదని అంటున్నాయి అధ్యయనాలు.

* రెస్‌వెట్రాల్‌ అనే రసాయనం రొమ్ముక్యాన్సర్‌ సహా అనేక రకాల క్యాన్సర్లని రాకుండా నివారిస్తుంది. క్యాన్సర్‌ కణాల ఎదుగుదలని అడ్డుకుంటుంది.

* డెమెన్షియా వంటి సమస్యలతో బాధపడేవారికి ద్రాక్ష మంచి మందు. మెదడులోని కణాలు దెబ్బతినకుండా ద్రాక్షలోని ప్రత్యేక రసాయనాలు రక్షణ కవచంలా నిలుస్తాయి.

* చిన్న వయసులో జుట్టు నెరిసిపోవడం, అతిగా జుట్టు రాలిపోవడం వంటి సమస్యలకు చెక్‌పెడుతుంది నల్లద్రాక్ష. వీటిల్లోని ఇ విటమిన్‌ చర్మాన్ని ఆరోగ్యంగా ఉంచుతుంది.

* నల్లద్రాక్షలోని రెస్‌వెట్రాల్‌ అనే రసాయనం ఎముకలు అరిగిపోవడం, గుల్లబారడం వంటి సమస్యల నుంచి రక్షిస్తుంది.

* నిద్రపోయేముందు రెండు ద్రాక్ష పళ్లు తిన్నా మంచి నిద్ర పడుతుంది. కారణం నిద్రకు సహకరించే మెలటోనిన్‌ హార్మోన్లు ఇందులో పుష్కలంగా ఉంటాయి. అలాగే జీవితకాలం కూడా పెరుగుతుందని అధ్యయనాలు చెబుతున్నాయి.