సెలవుల్లో చిరుతిండి..!

మిఠాయి కొమ్ములు

తయారుచేసే విధానం
* వెడల్పాటి బేసిన్‌లో సెనగపిండి, బియ్యప్పిండి, ఉప్పు, వెన్న వేసి కలపాలి. నీళ్లు కొంచెంకొంచెంగా వేస్తూ కలపాలి.
* బాణలిలో నూనె వేసి కాగనివ్వాలి.
* వెడల్పాటి చిల్లులు ఉన్న చక్కిడాల గిద్ద లోపల కూడా నెయ్యి రాసి పిండి మిశ్రమాన్ని కొంచెంకొంచెంగా పెట్టి చక్కిడాలు వత్తినట్లుగానే వత్తాలి. వేగిన తరవాత పళ్లెంలో వేసి ఆరనివ్వాలి. అలాగే అన్నీ వత్తాక వాటిని చిన్న చిన్న కొమ్ముల్లా వచ్చేలా చిదమాలి.
* విడిగా మందపాటి గిన్నెలో బెల్లం తురుము, నీళ్లు పోసి మరిగించాలి. పాకాన్ని చల్లటి నీళ్లలో వేస్తే ఉండలా వచ్చే వరకూ ఉడికించాలి. చివరగా యాలకులపొడి, శొంఠిపొడి కూడా వేసి కలిపి దించాలి. ఇప్పడు పాకాన్ని చిదిమి ఉంచిన కొమ్ములమీద పోసి బాగా తిప్పాలి. ఆరాక దేనికది విడిపడేలా కొమ్ముల్ని విడదీసి గాలిచొరని డబ్బాలో పెట్టుకుంటే పదిరోజుల వరకూ నిల్వ ఉంటాయి.

చెగోడీలు

తయారుచేసే విధానం
* పెసరపప్పుని ఓ గంట నానబెట్టాలి. తరవాత నీళ్లు వంపేసి పక్కన ఉంచాలి.
* గిన్నెలో రెండు కప్పుల నీళ్లు పోసి వేడిచేయాలి. అందులోనే ఉప్పు, నెయ్యి లేదా నూనె, నానబెట్టిన పెసరపప్పు వేసి ఓ నిమిషం కలియతిప్పాలి. నీళ్లు మరగడం మొదలవగానే బియ్యప్పిండి, జీలకర్ర, నువ్వులు వేసి బాగా కలిపి స్టవ్‌ ఆఫ్‌ చేయాలి. పిండి బాగా కలిసిన తరవాత మూతపెట్టి పది నిమిషాలు ఉంచాలి.
* ఇప్పుడు కొంచెంకొంచెంగా పిండిని తీసుకుని గుండ్రని ఉండలా చేసి దాన్ని రెండు చేతులతో నలుపుతూ సన్నగా పాములా చేయాలి. ఇప్పుడు దాన్ని కావలసిన సైజులో చేసి చేగోడీల్లా చేత్తోనే చుట్టి అంచుల్ని అతికించాలి. ఇలాగే అన్నీ చేసుకుని కాగిన నూనెలో వేయించి తీయాలి.

రిబ్బన్‌ పకోడా

తయారుచేసే విధానం
* బియ్యప్పిండిలో సెనగపిండి, పుట్నాలపిండి, కారం, జీలకర్ర, నువ్వులు, పచ్చిమిర్చి తురుము, అల్లం తురుము, ఉప్పు వేసి కలపాలి. తరవాత కాగిన నూనె కూడా వేసి బాగా కలపాలి. ఇప్పుడు తగినన్ని నీళ్లు పోసి చక్కిడాల పిండిలా కలపాలి.
* బాణలిలో నూనె పోసి కాగనివ్వాలి. ఇప్పుడు చక్కిడాలు వత్తే మౌల్డ్‌లో రిబ్బన్‌ పకోడా వత్తే ప్లేటు వేసి, పిండి మిశ్రమాన్ని పెట్టి బాణలి నిండుగా వత్తి ఎర్రగా వేయించి తీయాలి. ఇలాగే మొత్తం పిండి మిశ్రమాన్ని చేసుకోవాలి.

నిప్పట్లు

తయారుచేసే విధానం
* సెనగపప్పు కడిగి ఓ గంట నాననివ్వాలి. నీళ్లు వంపేసి పక్కన ఉంచాలి.
* మినప్పప్పు, పల్లీలు వేయించి పక్కన ఉంచాలి. పల్లీల పొట్టు తీయాలి. తరవాత మినప్పప్పు, పుట్నాలపప్పు రెండూ మెత్తగా పొడి చేయాలి. పల్లీలు కచ్చాపచ్చాగా నలగనివ్వాలి.
* వెడల్పాటి బేసిన్‌లో బియ్యప్పిండి, మిక్సీ పట్టిన మినప్పిండి మిశ్రమం, వెన్న, కారం, ఉప్పు, నువ్వులు, నీళ్లు వంపేసి ఆరబెట్టిన సెనగపప్పు, కచ్చాపచ్చాగా రుబ్బిన పల్లీలు వేసి కలపాలి. తరవాత కొంచెం నీళ్లు కూడా పోసి చెక్కల పిండిలా కలుపుకోవాలి. ఇప్పుడు పిండి మిశ్రమాన్ని చిన్న ఉండల్లా చేసి వాటిని ప్లాస్టిక్‌ కాగితం మీద వెడల్పాటి చెక్కల్లా వత్తి కాగిన నూనెలో మీడియం మంటమీద వేయించి తీయాలి.