పాత జిల్లాల కలెక్టర్లతోనే ఉద్యోగుల ప్రొబేషన్‌ ఖరారు

ఈనాడు, అమరావతి: గ్రామ, వార్డు సచివాలయాల ఉద్యోగుల ప్రొబేషన్‌ను పాత జిల్లాల్లోని కలెక్టర్లే ఖరారు చేయనున్నారు. కొత్త జిల్లాల కలెక్టర్లు వారితో సమన్వయం చేసుకొని ఈ ప్రక్రియను పూర్తి చేయాలని రాష్ట్ర గ్రామ, వార్డు సచివాలయాల శాఖ బుధవారం స్పష్టం చేసింది.  ప్రొబేషన్‌ సమయానికి కొత్త జిల్లాలు ఏర్పాటయ్యాయి. ఈ పరిస్థితుల్లో ఎవరు ఖరారు చేయాలన్న దానిపై సందేహం వ్యక్తమైంది. ఈ నేపథ్యంలో పై మేరకు రాష్ట్ర గ్రామ, వార్డు సచివాలయాల శాఖ స్పష్టత నిచ్చింది.

* వార్డు సచివాలయాల్లో పరిపాలన, పారిశుద్ధ్యం, తదితర విభాగాల్లో పనిచేసే ఉద్యోగుల ప్రొబేషన్‌ను పురపాలక ప్రాంతీయ సంచాలకులు (ఆర్డీఎంఏ) ఖరారు చేయాలని ప్రభుత్వం ఆదేశించింది.