SpiceJet: స్విస్ కంపెనీతో వివాద పరిష్కారానికి స్పైస్జెట్కు 3వారాల గడువు
స్విట్జర్లాంగ్కు చెందిన క్రెడిట్ సూయిజ్ సంస్థతో ఏర్పడిన ఆర్థిక వివాదాన్ని పరిష్కరించుకునేందుకు స్పైస్జెట్కు సుప్రీంకోర్టు మూడు వారాల గడువు ఇచ్చింది.....
దిల్లీ: స్విట్జర్లాండ్కు చెందిన క్రెడిట్ సూయిజ్ సంస్థతో ఏర్పడిన ఆర్థిక వివాదాన్ని పరిష్కరించుకునేందుకు స్పైస్జెట్కు సుప్రీంకోర్టు మూడు వారాల గడువు ఇచ్చింది. ఈ క్రమంలో స్పైస్జెట్ ఆస్తులు స్వాధీనం చేసుకోవాలంటూ లిక్విడేటర్కు మద్రాస్ హైకోర్టు జారీ చేసిన ఆదేశాలపై స్టే విధించింది. అలాగే కార్యకలాపాలు నిలిపివేసి, ఆస్తులను టేకోవర్ చేసుకోవాలని లిక్విడేటర్కు మద్రాస్ హైకోర్టు ఇచ్చిన ఆదేశాల విషయంలో తమ ప్రణాళికలు ఏంటని స్పైస్జెట్ను జస్టిస్ ఎన్వీ రమణతో కూడిన ధర్మాసనం ప్రశ్నించింది.
స్పైస్జెట్ కార్యకలాపాలు నిలిపివేసి, ఆస్తులను టేకోవర్ చేసుకోవాలని లిక్విడేటర్కు మద్రాస్ హైకోర్టు సింగిల్ జడ్జి బెంచ్ ఇచ్చిన ఆదేశాలను, ఈ నెల 11న హైకోర్టు డివిజన్ బెంచ్ సమర్థించడంతో స్పైస్జెట్ అత్యున్నత న్యాయస్థానాన్ని ఆశ్రయించింది. 2011లో కుదుర్చుకున్న ఒప్పందం కింద స్విట్జర్లాండ్కు చెందిన ఎస్ఆర్టీ టెక్నిక్స్ నుంచి విమానాల నిర్వహణ, మరమ్మతు, ఓవరాలింగ్ సేవలను పదేళ్ల పాటు స్పైస్జెట్ పొందింది. ఈ లావాదేవీల్లో స్పైస్జెట్ 24 మిలియన్ డాలర్ల (సుమారు రూ.180 కోట్ల) బకాయి పడిందంటూ ఎస్ఆర్టీ తరఫున క్రెడిట్ సూయిజ్ కోర్టును ఆశ్రయించింది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
అన్నమయ్య జిల్లాలో తెదేపా ప్రచార వాహనానికి నిప్పు
-
ఈనాడు.నెట్లో టాప్ 10 వార్తలు @ 9 AM
-
జనం భూమిలో... జగన్ చిచ్చు..!
-
అక్కడికి రాలేం.. మీరే రండి..: గేటెడ్ కమ్యూనిటీల్లో పోలింగ్ కేంద్రాలు లేనట్టే
-
పేరుకే పోలీసులు.. పుత్రరత్నం సేవలో బానిసలు
-
నాడు తండ్రులు నేడు వారసులు.. ఉమ్మడి వరంగల్ జిల్లాలో ఆసక్తికరంగా ఎన్నికల పోరు