Crime News: ప్రేమ పేరుతో వంచించి.. అత్యాచారం: అనంతలో ఇద్దరు స్నేహితుల దుర్మార్గం
అనంతపురం జిల్లాలో ఘోరం జరిగింది. ప్రేమ పేరుతో వంచించి ఓ యువకుడు యువతిపై అత్యాచారం చేశాడు.
అనంతపురం: అనంతపురం జిల్లాలో ఘోరం జరిగింది. ప్రేమ పేరుతో వంచించి ఓ యువకుడు యువతిపై అత్యాచారం చేశాడు. అంతటితో ఆగకుండా ఈ దారుణ ఘటనకు సంబంధించిన వీడియోలు, ఫొటోలను తన స్నేహితుడికి పంపించాడు. వాటిని సామాజిక మాధ్యమాల్లో పోస్టు చేస్తానని బెదిరించి అతని స్నేహితుడు.. ఆమెపై లైంగిక దాడికి పాల్పడిన ఘటన కలకలం రేపింది. నిందితులిద్దరినీ అరెస్టు చేసినట్టు దిశ డీఎస్పీ ఆంథోనప్ప తెలిపారు.
పోలీసుల కథనం ప్రకారం.. తాడిపత్రి నియోజకవర్గంలోని ఓ మండలానికి చెందిన విద్యార్థిని విజయవాడలో బీటెక్ చదువుతోంది. ఈమెకు అదే మండలానికి చెందిన కృష్ణారెడ్డితో ఐదు నెలలుగా పరిచయం ఉంది. ప్రేమిస్తున్నానంటూ వెంటపడేవాడు. నమ్మించడానికి బ్లేడుతో చేయి కూడా కోసుకున్నాడు. దీంతో భయపడిన యువతి అతడితో చనువుగా ఉండేది. అక్టోబరు 19న నిందితుడు కృష్ణారెడ్డి.. విజయవాడలోని హాస్టల్లో ఉన్న యువతికి ఫోన్ చేసి బెంగళూరు రావాలని, లేని పక్షంలో ఇద్దరి పరిచయాన్ని కుటుంబసభ్యులకు, తెలిసిన వారికి చెబుతానని బెదిరించాడు. దీంతో ఆమె 20న బెంగళూరు వెళ్లింది. తన మిత్రుడి గదికి తీసుకెళ్లి.. ఎవరూ లేని సమయంలో బెదిరించి అత్యాచారం చేశాడు. నాలుగు రోజుల తర్వాత అతడి బారి నుంచి తప్పించుకుని యువతి సొంతూరు వెళ్లింది.
తిరిగి అక్టోబరు 28న కళాశాలకు వెళ్లడానికి బయల్దేరింది. గుత్తి వరకు వెళ్లిన తర్వాత.. గుంతకల్లు పట్టణానికి చెందిన దివాకర్ నుంచి ఫోన్ వచ్చింది. బెంగళూరులో కృష్ణారెడ్డితో ఏకాంతంగా కలిసి ఉన్న ఫొటోలు, వీడియోలు తన వద్ద ఉన్నాయని, చెప్పినట్టు వినకపోతే సామాజిక మాధ్యమాల్లో పోస్టు చేస్తానని బెదిరించాడు. గుంతకల్లు రావాలని చెప్పడంతో బాధితురాలు భయంతో గుంతకల్లు వెళ్లింది. ఆమెను స్థానికంగా ఓ లాడ్జికి తీసుకెళ్లి.. బెదిరింపులకు పాల్పడుతూ రెండ్రోజులపాటు లైంగికంగా వేధించాడు దివాకర్. ఆమెతో సన్నిహితంగా ఉన్న సమయంలో ఫొటోలు, వీడియోలు రహస్యంగా చిత్రీకరించాడు. వాటిని మొదటి నిందితుడు కృష్ణారెడ్డి, మరికొందరికి పంపాడు. ఇలా కృష్ణారెడ్డి, దివాకర్ వాళ్లకు తెలిసిన మిత్రులు అందరికీ పంపించారు. ఇది తెలియని బాధితురాలు లాడ్జి నుంచి బయటపడి విజయవాడకు వెళ్లిపోయింది. ఆ ఫొటోలు, వీడియోలు అదే మండలానికి చెందిన ఓ వ్యక్తికి చేరడంతో, అతడు యువతి సమీప బంధువులకు తెలిపాడు. దీంతో కంగారుపడిన కుటుంబసభ్యులు ఆమెతో కలిసి పోలీసులకు ఫిర్యాదు చేశారు. పోలీసులు నిందితులు ఇద్దరిపై కేసు నమోదు చేశారు. 24 గంటల్లో నిందితులను పట్టుకున్నామని దిశ డీఎస్పీ ఆంథోనప్ప తెలిపారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
కొలువుల ఆశ చూపి కంబోడియాకు..
ఏజెంట్లు ఇచ్చే కమీషన్లకు ఆశపడి..ఉద్యోగాల పేరుతో యువకులను మభ్యపెట్టి కంబోడియాకు తరలిస్తున్న ముఠా గుట్టును రాజన్న సిరిసిల్ల జిల్లా పోలీసులు రట్టు చేశారు. ఆ ముఠా సభ్యుడు కంచర్ల సాయి ప్రసాద్ను అరెస్టు చేశారు. -
ఛత్తీస్గఢ్లో కాంగ్రెస్ నాయకుడి హత్య
ఛత్తీస్గఢ్లోని దంతెవాడ జిల్లాలో కాంగ్రెస్ జిల్లా నాయకుడు జోగ పొడియం(48)ను మావోయిస్టులు శుక్రవారం అర్ధరాత్రి ఆయన ఇంట్లోనే దారుణంగా హత్య చేశారు. పొటాలి సీఆర్పీఎఫ్ బేస్ క్యాంపు సమీపంలో మావోయిస్టులు ఈ ఘటనకు పాల్పడ్డారు. -
ఆకస్మిక తనిఖీల్లో భారీ సొత్తు స్వాధీనం
మల్టీజోన్-1 పరిధిలోని 16 జిల్లాల్లో చేపట్టిన ఆకస్మిక తనిఖీల్లో పోలీసులు భారీ సొత్తు స్వాధీనం చేసుకున్నారు. -
డ్రగ్స్ తయారీ మాఫియా గుట్టురట్టు
గుజరాత్, రాజస్థాన్లలో మాదక ద్రవ్యాల తయారీ ముఠా గుట్టు రట్టయింది. రహస్యంగా నడుపుతున్న డ్రగ్స్ ల్యాబ్లపై మాదక ద్రవ్యాల నిరోధక విభాగం (ఎన్సీబీ), గుజరాత్కు చెందిన ఉగ్రవాద నిరోధక దళం(ఏటీఎస్) దాడులు నిర్వహించి 13 మందిని అరెస్టు చేశాయి. -
ఝార్ఖండ్లో స్కూల్ బస్సు బోల్తా.. 15 మంది చిన్నారులకు గాయాలు
ఝార్ఖండ్లోని రాంచీలో చిన్నారులతో పాఠశాలకు వెళుతున్న ఓ బస్సు బోల్తా పడింది. ఈ ఘటనలో 15 మంది విద్యార్థులు గాయపడ్డారు. వీరందరినీ ఆసుపత్రికి తరలించారు.
తాజా వార్తలు (Latest News)
-
ఈనాడు.నెట్లో టాప్ 10 వార్తలు @ 1 PM
-
పదేళ్ల పాలనలో మీరు ఎన్ని హామీలు అమలు చేశారు?: బండి సంజయ్కు పొన్నం కౌంటర్
-
వేసవిలో ఫోన్ ఛార్జింగ్ వేగం తగ్గుతుంది..? ఎందుకు?
-
MH370 మిస్సింగ్లో ఏలియెన్స్ ఆధారాలు?.. ఎలాన్ మస్క్ ఏమన్నారంటే..
-
భారత్ను వదిలి వెళ్లిన దేవెగౌడ మనవడు..!
-
ఈ సెల్యూట్ ఆయన కోసమే.. తొలి హాఫ్ సెంచరీ అంకితం: ధ్రువ్ జురెల్