Tragedy: గాలిపటం దారం మెడకు చుట్టుకొని కానిస్టేబుల్‌ మృతి

ముంబయి: మహారాష్ట్రలోని ముంబయిలో విషాదం చోటుచేసుకుంది. గాలిపటం దారం మెడకు చుట్టుకోవడంతో ఓ కానిస్టేబుల్‌ ప్రాణాలు కోల్పోయినట్లు అధికారులు వెల్లడించారు. ఈ ఘటన  వెస్ట్రన్ ఎక్స్‌ప్రెస్ హైవేపై వకోలా వంతెన వద్ద చోటుచేసుకుంది. కానిస్టేబుల్‌ సమీర్ సురేష్ జాదవ్ డిండోషి పోలీస్‌ స్టేషన్‌ నుంచి వర్లిలోని తన నివాసానికి వెళ్తున్న సమయంలో ఈ ఘటన చేసుకున్నట్లు అధికారులు తెలిపారు. గాలిపటం దారం గొంతుకు చుట్టుకొని తీవ్ర గాయం కావడంతో హుటాహుటిన ఆసుపత్రికి తరలించగా.. అప్పటికే మృతిచెందినట్లు వైద్యులు నిర్ధారించారని పోలీసులు తెలిపారు. సమాచారం అందుకున్న ఖేర్వాడి పోలీసులు ఘటనా స్థలానికి చేరుకొని దర్యాప్తు చేపట్టారు. అనంతరం అతడి బంధువులకు సమాచారం ఇచ్చారు.