ఎంపీగా సుగుణక్కను గెలిపించుకుంటాం

ఎదులాపురం: ఆదిలాబాద్ నుంచి కాంగ్రెస్ పార్టీ ఎంపీ అభ్యర్థిగా ఏఐసీసీ ప్రకటించిన సుగుణక్కను పార్టీ కార్యకర్తలు అందరూ ఐక్యంగా కృషిచేసి గెలిపించుకుంటామని పార్టీ పట్టణ అధ్యక్షుడు గుడిపల్లి నగేష్ అన్నారు. స్థానిక ప్రింట్ మీడియా పాత్రికేయ ప్రాంగణంలో కార్యకర్తలతో కలిసి ఆయన మాట్లాడుతూ.. సుగుణక్కను ఎంపీ అభ్యర్థిగా అధిష్ఠానం ప్రకటించడం పట్ల హర్షం వ్యక్తం చేశారు. కాంగ్రెస్ పార్టీ అమలు చేస్తున్న సంక్షేమ పథకాలు ప్రజలకి వివరిస్తూ ఆమె గెలుపు కోసం అందరూ కృషి చేయాలని పిలుపునిచ్చారు. సమావేశంలో కాంగ్రెస్ పట్టణ అధ్యక్షుడు గుడిపెళ్లి నగేష్, కాంగ్రెస్ జిల్లా కార్యదర్శి కాడే సంతోష్, నాయకులు అలిమ్ మహేందర్, వెంకన్న, సలీమ్, అబ్దుల్లా తదితరులు పాల్గొన్నారు.