శాస్త్రీయ కళలు ఈ తరానికి అందించడం అభినందనీయం

ఆదిలాబాద్ సాంస్కృతికం: కనుమరుగవుతున్న భారతీయ శాస్త్రీయ కళలను ఈ తరానికి అందించడం అభినందనీయమని న్యాయమూర్తి క్షమా దేశ్ పాండే, ప్రముఖ వైద్యుడు అశోక్ కుమార్ అన్నారు. జిల్లా కేంద్రంలో శనివారం ఆర్యభట్ట ఇంటర్నేషనల్ పాఠశాలలో శ్రీ వెంకటేశ్వర సంగీత నాట్య కళా నిలయం ఆధ్వర్యంలో ఏర్పాటు చేసిన వేసవి శిక్షణ శిబిరం ప్రారంభోత్సవ కార్యక్రమానికి వారు ముఖ్య అతిథులుగా హాజరయ్యారు. ఈ సందర్భంగా వారు మాట్లాడుతూ కూచిపూడి నృత్యం, కర్ణాటక గాత్ర సంగీతం, వీణా వాయిద్యం అంశాల్లో విద్యార్థులకు తర్ఫీదు ఇస్తున్న గురువు కవిత వైద్యను అభినందించారు. విద్యార్థులు ఈ వేసవి శిక్షణ శిబిరాన్ని చక్కగా సద్వినియోగించుకోవాలని, ఎంచుకున్న కళా రంగంలో ప్రావీణ్యం పొందాలని ఆకాంక్షించారు. ఈ కార్యక్రమంలో విశ్రాంత సహాయ ఆచార్యుడు విజయబాబు, నృత్య శిక్షకురాలు హిమజ వైద్య పాల్గొన్నారు.