ప్రశాంతంగా నీట్ పరీక్ష

ఆదిలాబాద్ కలెక్టరేట్: ఎంబీబీఎస్‌లో ప్రవేశాలకు ఆదిలాబాద్ పట్టణంలో నిర్వహించిన నీట్ యూజీ పరీక్ష ప్రశాంతంగా ముగిసింది. మూడు కేంద్రాలు ఏర్పాటు చేయగా.. 1, 785 మంది పరీక్ష రాశారు. 48 మంది హాజరు కాలేదు. మధ్యాహ్నం రెండు గంటలకు పరీక్ష ఉన్నప్పటికీ ఉదయం 11 గంటల నుంచి కేంద్రాల్లోకి అనుమతించారు. బయోమెట్రిక్ తీసుకోవడంలో ఇబ్బందులు తలెత్తకుండా వచ్చిన వారిని వచ్చినట్లు లోనికి పంపించారు. దూర ప్రాంతాల నుంచి వచ్చిన వారు కేంద్రాలు తెలియక అవస్థలు పడ్డారు. ఎండ దృష్ట్యా కేంద్రాల వద్ద షామియానాలు ఏర్పాటు చేశారు.