వేధింపులకు గురైతే ఫిర్యాదు చేయవచ్చు

ఎదులాపురం: మహిళలు, యువతులు వేధింపులకు గురైనా, మోసపోయినా వెంటనే ఫిర్యాదు చేస్తే బాధ్యులపై చర్యలు తీసుకుంటామని షీ టీం ఇన్‌ఛార్జి బి.సుశీల, సత్యమోహన్ సూచించారు. పట్టణంలోని జెన్ సాఫ్ట్ కంప్యూటర్ కేంద్రంలో శిక్షణ పొందుతున్న యువతులకు షీ టీం అందించే సేవలపై అవగాహన కల్పించారు. ఎవరైనా అసభ్యంగా ప్రవర్తించినా, మార్ఫింగ్ చేసిన ఫోటోలతో బ్లాక్ మెయిల్ చేసినా 87126 59953 నెంబర్ కు ఫోన్ చేస్తే వెంటనే సాయం అందుతుందన్నారు. సైబర్ క్రైమ్‌కు గురైతే 1930 కు సమాచారం అందించాలన్నారు. ఎక్కడైనా మైనర్ అమ్మాయిలకు పెళ్లిళ్లు చేసినట్లు తెలిస్తే 1098 లేదా 100 సమాచారం అందించాలని సూచించారు. సమాచారం ఇచ్చిన వారి పేర్లు వివరాలు గోప్యంగా ఉంటాయన్నారు.