‘మన్యాన్ని గాలికి వదిలేసిన ప్రభుత్వం’

బొండాపుట్టు ర్యాలీలో శ్రావణ్‌కుమార్‌, తెదేపా నేతలు

ముంచంగిపుట్టు, న్యూస్‌టుడే: మన్యాన్ని రాష్ట్ర ప్రభుత్వం గాలికి వదిలేసిందని, వైకాపా పాలనలో ఇక్కడ అభివృద్ధి శూన్యమని మాజీ మంత్రి, తెదేపా అరకులోయ నియోజకవర్గ ఇన్‌ఛార్జ్‌ కిడారి శ్రావణ్‌కుమార్‌ ఆరోపించారు. ముంచంగిపుట్టు మండలంలోని ఏనుగురాయి పంచాయతీ బొండాపుట్టు గ్రామంలో శుక్రవారం నిర్వహించిన బాదుడే బాదుడు కార్యక్రమంలో ఆయన మాట్లాడారు. గ్రామానికి రహదారి, పాఠశాలకు భవన సదుపాయం కల్పించాలన్నారు. నిత్యావసర సరకుల ధరలు ఆకాశానికి అంటుతున్నాయని, డీజిల్‌, పెట్రోల్‌ ధరలు పెంచి ప్రజలపై భారం మోపారని మండిపడ్డారు. జగన్‌ పాదయాత్రలో ఇచ్చిన హామీల  అమలులో వైకాపా ప్రభుత్వం విఫలమైందని ఆరోపించారు. తెదేపా నాయకులు, సర్పంచులు లక్ష్మణ్‌, పాండురంగస్వామి, అర్జున్‌, బుద్దు, మురళి తదితరులు పాల్గొన్నారు.