పర్యటక ప్రాంతాల్లో సందడి

పొల్లూరు జలపాతంలో పర్యటకులు

మోతుగూడెం, న్యూస్‌టుడే: లోయరు సీలేరు ప్రాజెక్టులోని పర్యటక ప్రాంతాలు ఆదివారం సందర్శకులతో కిటకిటలాడాయి. పాఠశాలలు, కళాశాలలకు దసరా సెలవులు రావడంతో ఉభయ తెలుగు రాష్ట్రాల నుంచి పెద్దసంఖ్యలో పర్యటకులు తరలివచ్చారు. పొల్లూరు జలపాతం వద్ద రోజంతా జలకాలాడుతూ, ఆటపాటలతో ఆనందంగా గడిపారు. సామూహిక భోజనాలు చేశారు. విద్యార్థులు నృత్యాలు, ఆటపాటలతో సందడి చేశారు.

పోటెత్తిన సందర్శకులు

అనంతగిరి, న్యూస్‌టుడే: దసరా సెలవులు.. వారాంతపు రోజులు (శని, ఆదివారాలు) కావడంతో మన్యంలోని పర్యటక కేంద్రాలను అధిక సంఖ్యలో పర్యటకులు సందర్శించారు. డముకు వ్యూ పాయింట్‌ వద్ద మంచు అందాలను, పకృతి సహజ సిద్ధమైన అందాలను చూసేందుకు తెల్లవారుజాము నుంచే పర్యటకులు అధిక సంఖ్యలో బారులు తీరారు. కాఫీతోటలు, గాలికొండ వ్యూపాయింట్‌ వంటి పర్యటక కేంద్రాల్లో పర్యటకుల తాకిడి అధికంగా కనిపించింది. ఘాట్‌రోడ్డు మొత్తం ఎక్కడికక్కడ వాహనాలు బారులు తీరాయి.

డముకు వ్యూపాయింట్‌ వద్ద సందడి