జయ.. జయహే.. జగన్మాత

పాతూరులో వాసవీమాత నిజరూపదర్శన అలంకరణ

లోకమాత.. వెన్నుచూపని ధైర్యమివ్వు.. అపజయాలను అధిగమించే శక్తినివ్వు.. సవ్యంగా నడిచే దారిని చూపు.. పాలకులను కదిలించు.. అధికారులను నడిపించు.. ప్రజల కష్టాలను కడతేర్చి.. విజయాలు అందించు..
జిల్లాలో శరన్నవరాత్రి ఉత్సవాలు వైభవంగా జరుగుతున్నాయి. మంగళవారం అమ్మవారి ఆలయాల్లో మహర్నవమి వేడుకలు నిర్వహించారు. లోక కంటకుడైన మహిషాసురుడిని సంహరించిన లోకమాత ఉగ్రరూపంలో దర్శనమిచ్చారు. జయ జయహే జగన్మాత అంటూ భక్తులు వేనోళ్ల కీర్తించారు. పలు ఆలయాల్లో చండీయాగం చేశారు. బుధవారం విజయదశమి పురస్కరించుకుని అమ్మవారి ఆలయాల్లో ప్రత్యేక పూజలు నిర్వహించేందుకు ఏర్పాటు చేశారు.

- న్యూస్‌టుడే, అనంత సాంస్కృతికం

శివకోటిలో శివకామేశ్వరి