ఉద్యోగుల ఉద్యమానికి మద్దతు: జనసేన

మాట్లాడుతున్న కందుల దుర్గేశ్‌, పంతం నానాజీ తదితరులు

కాకినాడ కలెక్టరేట్‌: పీఆర్సీ విషయంలో ప్రభుత్వ ఉద్యోగుల ఉద్యమానికి జనసేన సంపూర్ణ మద్దతు ఇస్తోందని ఆ పార్టీ జిల్లా అధ్యక్షుడు కందుల దుర్గేశ్‌ ప్రకటించారు. శుక్రవారం కాకినాడలో మాట్లాడుతూ, సలహాదారులను ఇష్టానుసారంగా నియమించి, ఖజానా ఖాళీ చేశారని ఎద్దేవా చేశారు. పీఏసీ సభ్యుడు పంతం నానాజీ మాట్లాడుతూ ఇసుక, మద్యం విషయంలో ఖజానాకు రావాల్సిన సొమ్మును సొంత ఖాతాలకు తరలిస్తున్నారని ఆరోపించారు. పీఆర్సీ కోసం ఉద్యమిస్తున్న ఉద్యోగులపై దాడి చేయమని మంత్రులు వైకాపా శ్రేణులకు ఆదేశాలిచ్చారని ఆరోపించారు. నాయకులు రాజబాబు, శేషు కుమారి, చంద్రశేఖర్‌, సత్యనారాయణ, శివ తదితరులు పాల్గొన్నారు.