1952లో హైదరాబాద్‌ శాసనసభ ఎన్నికలు జరిగాయి. అప్పట్లో నియోజకవర్గాలకు సంఖ్యలు ఉండేవి. చాదర్‌ఘాట్‌కు 2, మలక్‌పేటకు 8 సంఖ్య కేటాయించారు. 1957లో తెలంగాణ.. ఆంధ్రలో విలీనమైంది. 1962 నుంచి 2009 వరకు ఉమ్మడి ఆంధ్రప్రదేశ్‌లో ఎన్నికలు జరిగాయి. తెలంగాణ ఆవిర్భావం అనంతరం 2014, 2018లో ఎన్నికలు నిర్వహించారు. అయితే 1952 నుంచి ఇప్పటివరకు మలక్‌పేట నియోజకవర్గం జనరల్‌ స్థానంగానే ఉంది. కానీ నియోజకవర్గ సంఖ్యలో మార్పులు చోటు చేసుకున్నాయి. 1957లో 17, 1962, 1967ల్లో 214, 1972లో 211, 1978 నుంచి 2004 వరకు 212గా ఉంది. 2009 నుంచి 2023 వరకు 58గా ఉంది.

న్యూస్‌టుడే, సైదాబాద్‌