చేయి లేకున్నా.. సైకిల్‌ యాత్ర

ఈ చిత్రంలో కనిపిస్తున్న సైక్లిస్టు తమిళనాడుకు చెందిన బి.తమీమ్‌ అన్సారీ. 2003లో తాను పనిచేసే కర్మాగారంలో ప్రమాదవశాత్తూ కుడి చేతిని కోల్పోయారు. ఆ సమయంలో చికిత్సకు ఖర్చులు, ఆర్థిక ఇబ్బందులు తోడవటంతో ప్రమాద బీమా వంటివి లేక ఆవస్థలు పడ్డారు. దాంతో ప్రమాద బీమా ఆవశ్యకతపై ఆవగాహన కల్పించేందుకు పలు దఫాలుగా సైకిల్‌ యాత్ర చేపట్టి ఇప్పటి వరకు 40వేల కిలోమీటర్లు పూర్తి చేశారు. తాజాగా  ఓ ఇన్స్యూరెన్స్‌ సంస్థ ఆర్థిక సహకారంలో ఈనెల 8వ తేదీన కాశ్మీర్‌లో మరో యాత్ర ప్రారంభించారు. జమ్మూ, డిల్లీ, ఆగ్రా, నాగ్‌పూర్‌ మీదుగా 2,500 కిలోమీటర్లు ప్రయాణించి గురువారం హైదరాబాద్‌ చేరుకున్నారు. ఇక్కడి నుంచి బెంగళూరు, మధురై మీదుగా కన్యాకుమారి చేరుకొని యాత్ర ముగిస్తున్నట్లు వెల్లడించారు.