జీవన విలువలు చూపే దర్పణం రామాయణం

కళాకారులతో చినజీయర్‌స్వామి, అహోబిల స్వామి, ఆనందశంకర్‌జయంత్‌, సుచిత్ర ఎల్ల, చిత్రవిశ్వేశ్వరన్‌

మాదాపూర్‌, న్యూస్‌టుడే: మానవ జీవన విలువలను చూపే దర్పణం రామాయణమని ఆధ్వాత్మికవేత్త చినజీయర్‌ స్వామి అన్నారు. జీవితానికి ఉపయుక్తమైన ఎన్నో అంశాలను రామాయణం నేర్పుతుందని చెప్పారు. శుక్రవారం సాయంత్రం మాదాపూర్‌లోని సీసీఆర్‌టీలో ‘‘రామాయణ కల్పవృక్షం’’ పేరిట ఏర్పాటుచేసిన సంగీత, నృత్యమహోత్సవాన్ని చినజీయర్‌స్వామి ముఖ్యఅతిథిగా విచ్చేసి ప్రారంభించారు. ఆయన మాట్లాడుతూ.. నిజమైన మావన జీవితాన్ని తెలుసుకోవాలంటే రాముడి గురించి తెలుసుకోవాలన్నారు.  భారత్‌ బయోటెక్‌ జేఎండీ సుచిత్ర ఎల్ల మాట్లాడుతూ.. భారతీయ సంస్కృతి సంప్రదాయాలు, కళలు ఎంతో అద్భుతమని, వాటిని భావితరాలకు అందించేందుకు కృషి చేయాలని చెప్పారు. శాస్త్రీయ నృత్యకారిణి ఆనందశంకర్‌జయంత్‌ బృందం నృత్యరూపకం నయనానందకరంగా సాగింది. కార్యక్రమానికి అహోబిల జీయర్‌స్వామి, నాట్యకారిణి చిత్ర విశ్వేశ్వరన్‌ హాజరయ్యారు.